今日，專誠請假，由屯門去香港仔取經．好不容易求得專家教路，唔學就笨啦！
材料：
皮：低筋麵粉一磅，花生油及水各一碗（八安士碗裝到九分滿咁上下，咁多油？唔驚架，一陣炸既時候，熱力會逼返出黎既．）
要注意，唔同既麵粉做出黎既效果會相差好遠架．我邊曉吖！食完早餐，求其去街市Ｄ雜貨鋪買既．據伯母講，呢隻"白菜嘜"品質好，搓出黎既粉糰好軟熟，製成品自然勝人一酬．誤打誤撞，又俾我買到呢包百絲牌低筋麵粉．
2010年1月30日 星期六
2010年1月28日 星期四
2010年1月27日 星期三
下午茶@上海婆婆
星期三，唔駛返工，但心掛掛．知道老闆突然要飛（佢呢輪已經分身乏術架啦，家陣又要掉低晒ｄ野，真係倒瀉咗籮蟹呀），驚個替工搞唔掂，又要搖控一大輪，又要打好幾個電話去停呢樣，取消果樣，上埋網睇下公司ｄ in-coming emails有冇突發事件，又搞一輪．
點解我唔銷假？因為我下晝安排咗ｄ野係屯門做，要撲黎撲去我仲煩，都係搖控算啦．
下午三點幾，同爸爸去咗呢度食下午茶．入座之前侍應提醒我地三點九前要落晒單，因為佢地要截數．冇所謂啦，就咁揀幾樣野食唧，好快唧．
只限星期一至五既下午茶餐分＄２６，＄３０同＄３２三種，全部都送豆漿一杯，可惜係凍既，我聽到隔離檯問可唔可以叮返熱呀？但侍應話呢度冇微波爐，幫佢唔到；其實天寒地凍，你估人人都飲得凍野既咩？一係佢就要人俾錢加熱啦．
雖然迷你涼菜只係十蚊，但唔多抵食．
呢碟油炆小竹筍，我地食晒所有野，佢催我地埋晒單，都未上到，唔係一早就整定既咩？係咪有ｄ離奇呢？味道？普通啦．
＄３２既冬菰雞肉拉麵，冬菰雞肉係事先炒咗放埋一邊既涼野，等ｄ麵灼咗，加係上面再加湯既，所以好明顯咁見到ｄ湯係鴛鴦色既．味道不過不失啦，又未至於唔夠熱既．
湯麵係跟點心既，爸爸必食既素菜包．平日單叫，三粒要＄２６．家陣兩粒加埋碗麵只係＄３２，又唔駛加一，又有豆漿送．
我地揀咗婆婆粗炒，同午膳時間食既咁上下大，只係隻碟唔同形狀唧，所以平日去食下午茶，相對黎講算係平架啦．
咁埋單只係＄７２，下午茶時段係唔駛加一既．
化無奇為神奇小手工
收到一批磁石貼，一時間不知怎銷路，人家送我的原意是想我好好利用這些物料，分給愛手作的同好及送予有需要的機構或導師，造福長者，小朋友或弱勢社群．
一早就分贈了九龍塘區及屯門區的教會供小朋友作主日學教材，一批送人在童軍活動上使用，另一批則讓人帶到偏遠山區．餘下的了怎麼辦呢？
初時大家分到材料，都未知怎去運用，後來，謝謝朋友的提議，終於給我找到一個既簡單，又美觀的處理方法．
對！就是這些磁石貼了！
年近歲晚，祝福說話不嫌多，我就做了一批帶點新意的磁石揮春送大家．
用之前做卡剩低的碎料紙張托底，包裝起來也不賴啊．
實在太好了，又幫我解決了賀年送給姨媽姑姐手作禮既煩惱，又可以盡量運用這批物料，讓大家也得到祝福．
謝謝你啊！有心人！話你知吖，最後果幾十粒，我都整埋佢，送俾老人中心義賣啦，你同埋你ｄ同事既好意，我謹代表全體仝人（包括受惠既小朋友同長者）向你地致謝！
2010年1月26日 星期二
四個女子包場? - Cafe de Savoy
昨晚約咗pri, Mabel同Eunice係呢度食飯．因為佢地早咗，所以未夠六點半我地就已經坐定定啦！成個場得我地一檯客咋．
我地叫咗四分餐，平均唔駛一舊水一位．最先上場既係新鮮熱辣兼軟熟既蒜蓉包，一人有兩件架，但我地只殺咗一件，留肚麻．
跟住係羅宋湯同忌廉蘑菰湯，有得揀，我多數都揀忌廉湯，我係唔會隨便點紅湯既，驚有牛肉成份麻．
我要咗吉列豬扒日式湯烏冬($68)，睇下，見唔見到碗烏冬升起既煙呀？塊豬扒炸到好似冇油咁架，又鬆軟，外皮又唔厚，仲脆卜卜添！佢地仲好細心咁切成一長條咁，好方便點醬同咬，伴碟既生菜你地都睇到啦，係正菜黎．
Mabel同Eunice都叫咗右面呢款南瓜意大利飯．我對意大利飯冇乜興趣，所以唔會點．我未到之前，佢地係度估我會點咩食，居然冇人估中喎．
pri比較喜歡食扒，所以佢食西冷，跟意粉，據佢既食評話，ｄ意粉係彈牙既，師奶都話過，呢度既意粉係有炒過先俾你食既，牛扒亦唔鞋．
晚餐係包甜品架，士多啤梨慕司蛋糕，仲係碟底畫上士多啤梨漿，誠意可嘉！pri話配咖啡就一流啦．
最衰侍應叔叔多嘴啦：食咗呢件，一陣個餅仲食唔食呀？踢爆晒我地既部署．
但我地四個大食姑婆一於砌埋佢！咩呀？食完至算啦．
八點幾，開始都見有幾檯客，原來都有人一個人黎食晚餐架．
2010年1月25日 星期一
死露比錶
你估呢張係乜？
原來係保養卡黎．係Bibi升中一既時候，我地買俾佢既一隻比較正式ｄ既返學錶黎．
可惜佢戴唔夠一星期，就整爛咗啦，拎返鋪頭整，又搞咗成個月都冇得拎．間野都唔知搞咩既，條錶帶甩咗枝針唧，都要搞咁耐？我懷疑係買果陣，佢同我地改細錶帶時，做得唔好先會甩既．
好不容易話整好，拎返啦，過兩日又甩過．
我都係比較鍾意鋼帶既錶，原本我都買咗隻圓型既俾自己架，但當Bibi冇錶用既時候，我就俾咗佢戴，點知後尾都係戴戴下，甩咗都唔知，唔見埋．
激鬼氣，係跳蚤市場買咗只十蚊雞既錶俾佢，反而戴咗兩年，好地地．
而呢只俾佢跌過幾次落操場地下既錶，我都冇再拎反鋪頭度整啦，一路擺咗幾年，我先拎去利源東西街果頭ｄ阿伯同我整返，阿伯好似收咗我十皮，因為只係幾十秒就整好啦．
用得唔好晒吖麻，從此，呢只甩皮甩骨既錶就跟住我，電都好似換過兩次啦．
睇下，經過操場地下既洗禮，錶面同錶帶都花晒，但係我唔介意呀，佢仲好地地戴係我手上．
曉行就得啦，又唔係唔準時，冇人會留意我戴緊咩錶既，冇所謂啦．
2010年1月23日 星期六
大出血!?
星期六，放工約咗爸爸．真係唔想又走去食齋，於是就提議去恆生總行過少少既Cafe de Savoy啦，帶佢食下幾十蚊個既有機紅米飯素食餐啦．
冇訂檯，諗住walk-in，有位就食，冇位就係天意黎，咁我唯有乖乖陪佢食齋咯．點知有位喎，仲只係$38位添！
咁即刻開動啦！先飲個蘑菰忌廉湯先，唔太咸，又唔太杰，啱晒我，可惜唔知點解儲相果陣唔見咗張相，冇得睇．
跟住就拎熱食，我要咗兩件照燒雞扒（味道標準），一塊魚柳（外皮唔厚，好滿意），三條菜遠．
跟住先走去食佢ｄ鬼佬生菜沙律，ｄ菜都幾靚，我仲要咗少少青蘋果西芹沙律添．另一款疑似加咗罐頭雜果咁款既沙律我就冇食到啦，西瓜都係，我都冇掂過．
跟住食春卷同雞翼，雞翼都幾好．但墨魚丸就認真麻麻，一口粉咁．
爸爸見ｄ春卷裏面冇肉既，即刻出去拎，仲一次過拎四條添，佢冇野吖麻，食瓜佢呀！後尾要我幫口食返條先搞得掂．
食完野，要去大出血，邊度？咪Paper Art咯！
樓下果間捐血站呀！
爸爸呢個卑鄙無恥，曾經係Bibi細個既時候帶埋佢去捐血站，佢幻想Bibi見到人地用針拮佢爸爸，會喊住咁去阻止醫護人員既行動架，跟住佢就可以懶係溫馨咁攬住Bibi啦．
點知，真係想創佢個心呀！Bibi淨係掛住睇哈姆太郎（捐血站有電視架），眼尾都冇瞄過佢呀．
捐完血，我見人地個個都有個環保袋同鎖匙扣既，點解爸爸冇既？係咪年紀大去捐血就冇架？
爸爸話如果我想要，佢就問人攞喎．梗係要啦，我要影低佢俾大家睇架麻．
呢個匙扣，驟眼睇冇咩特別，但原來大力ｄ擠壓，會有野bit出黎架！找初時係反轉呢粒血仔黎睇既，做咩後面有個窿既？大力ｄ按又有野凸出黎喎，所以初初我地以為佢係會疴ng ng既．
再睇返正面，先知原來對眼會眼凸凸既．
我唔夠力水，等爸爸黎演譯一下啦，係咪好勁呢！
我地食黑沙，貼咗一隻眼，係咪好似海盜呢？
我就話貼晒仲型仔呀，佢令我諗起IQ博士既宇宙大王呀！
2010年1月22日 星期五
Ai Yar Bro 新婚快樂啊！
為咗儲我既粘土蛋糕，哎吔Bro終於的起心肝拉埋天窗啦！
傻啦，講下笑咋！
不過，佢見到Bibi細個ｄ相既時候，曾經話想生返個囡囡既，所以我聽到佢話結婚，一ｄ都唔出奇．
只係．．．．
你地都知我幾咁懶架啦！又要我專登整咯喎，真係唔多願郁呀！而且，我除咗要做果批義賣卡之外，仲要完成埋賀年禮物呢，真係辛苦死．
不做，不做還需做，鬼叫自己誇下海口咩！
做兩朵玫瑰，用咗一朝．冇錯呀，因為想要靚ｄ架麻，初初做咗深色d既花花既，好似唔夠溫馨喎，再做淺色既忌廉玫瑰，即係cream咁款既，我又嫌佢粗粗肥肥咁，都係咪啦．改做香檳玫瑰啦，花瓣要薄ｄ架喎．
下午食完野返屋企，繼續下半集．一路做，心裏面一路唱歌呀：做埋呢個就可以收爐啦！一於快快手手做好佢先！
好啦，初步完成，等乾先．
再塗光油，用相機影底，放大睇真ｄ，好似冇乜瑕疵，放埋一邊呌呌．
隔咗一陣，用爸爸剛買返黎既，有埋射燈既千里眼一睇！呀～～～～乜有條毛仔係花瓣上既？連葉上都有條添！
你地睇唔到呀？一共有三條咁多呀！見唔見呀？左邊朵花頂頂花瓣上面呀，仲有下面塊葉都有呀．
哎吔！用鉗仔挑都嫌粗喎．．．再搵枝針先，粗得滯添！再轉幼細ｄ既針先，好不容易先整走，再影相放大睇真ｄ先，唔，得啦．但呢幾日天氣唔係好乾燥，有排乾添架，睇怕再要擺多幾日喎．
等我多角度睇下有冇漏網之魚先．
呢條朱古力卷係我親手做既，同朵花都幾襯架．
側面都冇事．
ＯＫ！可以等佢乾晒就送出街啦．
Ai Yar Bro，早就話咗會遲Ｄ先有得俾你架啦，鬼叫你咁古惑咩！
拿，我當送咗架啦！點解我咁衰，咁早就POST出黎？
放心啦，我整既野，睇實物一定靚過睇相既，因為係呢度睇相，係放大咗好多架麻！
好野！可以收爐lu!
2010年1月21日 星期四
訂閱：
文章 (Atom)