2011年12月31日 星期六

我們的cheap cheap雞聖誕大餐

原本都唔知新墟果頭開咗間咁野,為咗等Bibi由沙田過黎同我地會合,買完蒸架四維遊,先發現雅都商場上面開咗呢間意大利餐廳分店,就即管試下啦.


 


餐湯如果加迷你沙律就$18,單叫湯,就$9.反正都會另叫沙律,所以我地就咁咗周打海鮮湯.味道ok既,但份量太少,大可以不飲湯.要多d前菜好過.

 


我地點咗水牛芝士伴蕃茄$16

 


海草沙律$19,食物同相既分係.... 呢碟d海草仲有堆d.

 


雜菌意大利飯$24

 


墨魚汁意大利粉$26,麵質夠彈牙,啱我.

 


芝士燒雞扒$32

 


三客雪糕@$12

 

唔駛加一,埋單只係$171,經抵食.

其實佢仲有好多前菜小吃架,好適合人少少去食既.


 


四條辣肉腸+四片薯角都只係$16咋!

沙律最貴都只係$24,食得過吖.

 


三款湯可以選,要食法包就加$9

 


前菜都好平 

 


Pizza廿零卅蚊有交易

 


焗飯,焗長通粉同意粉都係廿幾

 



 


想做食肉獸咩?俾多少少就得啦.


 


甜品款式唔多,但大家就算要叫,都只係食呢d既唧



竟然有埋酒飲,咁d鍾意嗒返杯既爹地媽咪都可以飲下啦.另有任飲既Drink Bar 每人 $12.咁低消費,仲唔係年青人既飯堂?

呢度要等位,我地六點零去到,都等咗半粒鐘.5人或以上就要過半數人入席先可以攞檯架,話就話入席計只可以坐個半鐘,但佢上菜速度超快,係名符其實既快餐黎,大部份人食半個鐘都可以埋單啦.真係貨如輪轉,客似雲來.我地呢,食完再慢慢叫甜品,都唔駛一粒鐘都閃啦.

記住啦,叫野食唔駛大貪架,食完唔夠,仲可以追加,咋一聲又上菜架啦.

2011年12月30日 星期五

比比包

既然剪爛件性感衫,梗係唔止可以做到一個口金包咁少啦.

阿比生日吖麻,整隻送俾佢就啱晒啦!


 


同之前做俾我姪女果隻拍埋一齊黎影,好似兩姊妹咁.
 



各有各靚啦,比比,你鍾唔鍾意唧?



 

比比包

既然剪爛件性感衫,梗係唔止可以做到一個口金包咁少啦.

阿比生日吖麻,整隻送俾佢就啱晒啦!


 


同之前做俾我姪女果隻拍埋一齊黎影,好似兩姊妹咁.
 



各有各靚啦,比比,你鍾唔鍾意唧?



 

2011年12月29日 星期四

2011聖誕禮

踏入十二月,就開始陸陸續續收到禮物,真係各類型都有.好似歲晚酬賓一樣,連鮮花都收到一紮,真係多謝各界既厚待.

 

2011年12月28日 星期三

本年度的聖誕禮 - 眾志成城口金包

今年既聖誕,十分忙碌,連手作訂單亦沒空應酬,不接了.

這裏所見的,只是部份成品,除了我提到的所謂LV小口金,差不多全都送了出去.



有的遠渡重洋





有的送給了好朋友及家中少艾.





件性感吊帶衫犧牲得有價值,我足足做了五隻不同花款的口金包.









呢個吐血口金,曾懷疑一次過跟另外兩個口金一齊寄失,搞到我沮喪了好幾日.好彩後尾都順利去到物主手上.




同一塊布,做出兩款效果,我慳家,冇浪費你俾我果份布架.



仲有更多的,從未上鏡,沒有拍照留念.

想不到好幾十隻口金框,被我在短短兩個月內銷盡.可幸的是得到同事的幫助,為我再訂一批回來,實在不敢終日麻煩人家呢!

新的一批材料快要到手,希望我能有更多新點子,為平凡的口金,造出奇蹟.

2011年12月27日 星期二

偷得淨生半日閒

五點幾就醒啦, 兩老起身去蝴蝶村食粥, 跟住行出碼頭睇日出, 又行路去市中心. 係吉之島超市買下野, 九點幾又食第二輪早餐, 去KFC隊杯奶茶, 整份多士, 再去圖書館蒲下, 返到屋企都只係十一點, 去埋百佳返上樓, 早上仲未過晒, d時間超級見洗.


 

2011年12月24日 星期六

冬至點過?

皇恩浩蕩,今年冬至,下午全公司去怡翠軒食飯,跟住就可以散水啦!梗有食唔晒啦,我打包咗鴛鴦雞同清炒桂魚絲,加埋五隻蛋撻仔.



飯後有抽獎,我得到呢份.一睇,細細份,好吖,就算用唔著都唔阻掟麻!



跑車黎喎!其實佢係指甲鉗.




有另一檯既同事都抽到呢樣東東,但全檯人夾手夾腳,都搞佢唔掂,佢架跑車開唔到呀!掙扎一輪,最後連條波仔鍊個扣都甩埋.佢地全檯都話:開唔到既,要回水呀!

臨行前我同個物住講:你將佢交俾我啦,等我返屋企同你對照一下,試下可唔可以研究到打開既方法啦.後面冇咗條鍊果架,係我同事既.




佢架車原來甩咗車尾既彈弓,而負責包裝出貨果位可能監硬將佢閂埋,所以開關閘應該已經失靈,我用枝十字螺絲起子係車頂度借力向後一推,就開到啦,但如果一閂埋,又要用返工具先可以再開到.咁你由得佢打開啦,起碼都用到吖麻.

睇下兩架跑車既英姿先!




之後,我同一位係公司做咗好多年既同事去散步,傾下計咁,真係做咗咁耐同事,講得最多野都係今日.

再去奧運站呢間標榜用天然米漿做麵包蛋糕既店,拎返兩個團購既一磅庄聖誕蛋糕.




一個朱古力蛋糕




一個鮮果紫米蛋糕




送去以前湊過Bibi既嬸嬸屋企,齊齊食蛋糕.嬸嬸仲煲咗渣咋我地食,又食鳳凰卷又飲茶,問我地係唔係度食飯喎?都飽啦,唔好客氣咯.



所以,晚上的冬至餐就只飲了中國湯+鴛鴦雞+迷你杯麵!



Bibi話:冬至要食杯都夠慘架啦,仲要係迷你既!

喂!我有話煮飯你地食架喎,係你地話唔餓之麻!