冬菰肉餅改良版：麥皮大翻身

仲記唔得我果篇"搖控Bibi肉餅 - 冬菰蒸肉餅"呀?
雖然果碟簡易版已經好好味架啦，但係可以進一步提升餸菜質素既話，我都想佢學埋既．

原來只要稍為改變食譜，就可以煮到滑滑既蒸肉餅啦．

我用咗五隻中型冬菰，浸軟d冬菰，渣出水份．

粉掌的秘密

阿仔房有一盆粉掌，有日俾我發現佢有朵花截斷咗．於是我就拎咗佢出黎研究下啦．

 

我初初只係好奇，相睇下呢ｄ花有冇花粉既，用手指掂下，好似唔多覺喎．

再輕輕咁整彎枝花芯，好似有ｄ裂痕喎．．．

再睇清楚ｄ，嘩嗄．．．．
原來佢係由好多朵花仔組合而成架喎，每一粒小圓點既週邊，係有四塊花瓣仔咁既平面接合既，咁多朵花加埋呢，就係一個圓柱體既密鋪平面啦！

如果大家睇得唔清楚既話，可以一隻手指按住Ctrl制，另一隻手轆下隻滑鼠中間果粒可以滾動既制，就可以放大呢幅相黎睇啦．



真係大自然既傑作呀！

又試新曲奇

行康康超市，見到有新野喎，買黎試下先！

一盒十四件，獨立包庄．

呢盒係朱古力曲奇

入口係好鬆化既．又唔太甜．

呢位佳麗來自馬來西亞，四洲代理既．

開埋另一盒，等大家都有機會試下．

提子牛油曲奇，都唔差唧．

Home made recipe? 食落真係似自家製果ｄ咁架．

雖然我比較偏好朱古力味，整體黎講，以$11兩盒既價錢，算抵食架啦．

生日快樂啊！

好少整中文牌，但有時人地收得英文生日蛋糕多，都應該同佢轉下口味既．

今次我用咗士多啤梨慕司餅底，加香桃啫喱，配薰衣草朱古力球，青瓜糖片，棉花糖及黑白朱古力條，認真豐富．



終於都乾晒啦，ｄ色係咪靚好多呢？呢幅相比實物大好多架．

點知？

你試下放自己隻手上螢光幕度併下，就明架啦．

狂掃

同爸爸食完下午茶，跟住係商場行下，見士多啤梨鞋店減價，走入去睇下，買咗三對鞋出黎，$600。



三對都係魷魚鞋，買大ｄ都可以，我揀咗六號，都係鬆鬆地好．



去埋toilet出黎，又見到有間運動鋪，竟然有我著開果款波鞋，白色36，正！嗄？黑色得返37？大ｄ就大ｄ啦，呢ｄ款已經好難搵架啦，買埋佢！成為$682.

 

好驚爸爸等得唔耐煩會遷怒於我，出返黎佢隊返袋鞋俾我拎，我咪自己拎返咯。點知去到門口，佢話：「你唔覺得好肉酸既咩？」指我拎一袋，揹一袋呀？「唔覺喎！」

爸爸：「我係話…你係女人，同個男人一齊行，拎到一抽二能，個男人就兩手fing fing，唔肉酸咩？」

呵呵，咁就唔好客氣啦！呢兩袋，醒你既！

之後去買咗三條牛仔褲俾爸爸，再買幾個梨就返屋企啦。

今回真係踏破鐵鞋無覓處，得來全不費功夫啦！ 

不過，我已經係一星期入面（嚴格黎講係三日內），買咗八對鞋，都係時候收手啦．

 

 

Hearty Congrats to Faustus

睇住一代又一代既青衣卜頭殼，想唔認老都唔得啦．

今日你既admission我去唔到啦，May姐要放假呀．．．

Cafe 100%

假日，我多會到屯門市中心流連，郤甚少踏足新墟的卓爾居，今次專程來吃下午茶。

沒有特定餐廳要到，見百份百餐廳 Cafe 100%仍有位子，便入內試試。

集團式經營，竟然沒有下午茶款式，只好點選一碗粉麵加飲品。

我們倆皆點了凍奶茶，跟太興的冰鎮奶茶相比，雖然這杯的冰是在杯內，但這杯的味道也不賴啊！



我的潮式魚蛋、魚片河，認真地加了蒜油及幼細蔥花，雖沒有唐芹、芫茜及冬菜，亦算合格。當然啦，蒜油蔥花要過檔給爸爸。



爸爸的潮式墨丸麵，墨丸品質亦算可以，不是一口粉的貨色。我倆都加了一小包辣椒油（只是一般行貨，無甚驚喜）。

整體來說，粉、麵只是一款交來的貨色，普普通通。湯底亦不佳，但若以＄２２一碗粉＋餐飲的價錢計（凍飲加＄２），已算物有所值了。

又有小插曲，鄰桌有一對外藉夫婦，男的點了一碗粉，女的選了星洲炒米。飲品早已上桌，男士的粉麵已吃了一半，便著侍應追單。我初時未有為意他們在擾攘甚麼，但見該年青侍應好像完全不知人家在說什麼，我才用心看看。外藉男士指著電腦賬單上的中文字，慢慢的用最簡單的英語表示還有一項食物未到，年青人只是呆呆的未懂回應，亦沒有請其他同事支援。於是我便出手作翻譯，為他們排解問題。

事後跟爸爸談起，才知道連不懂英語的爸爸也聽到人家在說Singapore，也猜到是星加坡。就算那侍應不懂英語，人家指著單上的”星洲炒米”也應該意會吧？

真要概歎一句：年青人，是時候增值自己啦！

或者，餐廳本身，都應該為員工提供培訓服務啊。

最近跟HR行業朋友談及年青人就業問題：為什麼企業留不到人，而年青人又會抱怨難上手，沒前景。公司也請了一些剛畢業的同事，眼見他們就像一張白紙一樣，夠純淨，就如當年入行的我，只要有人扶一把，很快就可以成為有用的資產。若公司留不到人，實在是公司的損失。

大家是否應考慮好像中小學一樣，有什麼「大哥哥大姐姐計劃」，舊人帶領新人上軌道呢？

 

Lunch @ Backstage

呢日，我同朋友黎呢度食set lunch，加咗十蚊要咗湯．D湯好夠熱，唔錯．



跟包既係香草牛油，本身係嗞成一朵花咁既，俾我用過，所以走晒樣．

ｄ包包係好好食既，亦都俾我地食咗兩塊先記得影．

我點咗豬柳三文治併沙律，上餐時真係有驚喜．原來係潛艇三文治，包有焗過，餡亦好味．

我點咗咖啡，奶係烘熱過既，加入飲品度不會降低溫度，為此應加佢十分．

我最瞧不起既甜品上場啦．．．點解？因為我一坐落就見到隔離檯食緊，樣衰衰咁，心諗一定唔慌好味，所以我朋友話唔要甜品，叫人拎返走佢果碟我都冇阻止．

點知．．．．佢反而係最精彩既．果粒小柱體其實係蜜瓜黎，而呢舊樣衰衰既．．．．　係超美味既忌廉泡芙呀！

就算點飽，我都會食埋佢，仲一路食，一路係心入面讚歎添！

前日我又去食黎，今次我要咗沙律：薯仔蟹籽青瓜沙律．



呢份係巴馬火腿意大利芝士夾酸甜洋蔥香草包併沙律

炆羊仔脾配薯蓉

Tiramisu



我今日要咗咖啡，都幾濃下，要放糖先飲到．

Sweet Sweet的感覺LII - 送給陳小B

我又做姨婆咯，梗要整返個紀念品俾陳小B架．

我既招牌朱古力牌，都要好小心咁整出黎架．

芒果糯米糍

食完晏返埋位，檯面多咗舊咁野．長長的像塊香蕉糕．



同事買來請我食的，是芒果糯米糍，咬一啖，皮很薄．

看來入面是一大塊果肉，由頭吃到尾都是充滿果肉的．



皮不甜，只靠芒果本身的甜味，可算是一款健康甜品．

印仔１８７ － 麥嘜

今次找揀咗麥嘜，係因想信自己係雕到幼線既．

睇神話學英文 - 希臘神話

呢本係Bibi借返黎既書:



反正佢都係宿舍，就等我拎黎睇下．咦，有埋錄音資料可以借架喎．

雙語系列，認真唔錯，可惜佢冇借埋個附件．

我英文程好有限，但都可以試下睇英文版既．反正希臘神話入面既天神我只識得幾個，中本既甩甩卡卡既譯名咪仲睇到頭暈，正如Bibi話齋，睇中文版真係會睇到個人發爛炸架，所以我選咗英文版．

Myth呢個字，我偶然都見架，阿仔係教會既Mentor，經常都會叫我印咩俾大家用，我就係上面見過．原來應該係Mythology.

呢段係書背既簡介：



我一唔係好知佢翕乜，就會偷睇中文版，方便過查字典．有ｄ語句，真係平日睇公文係唔會見到既，但其實又好鬼淺架喎．例如：day was spent

原來係咁既：

我一向只知驢仔叫donkey, 真係唔睇呢本書都唔知又可以叫ass. 不過童話故事中俾人整古，多數都係變咩驢耳之類既．

因為本書有一半係中文版，所以都好快就睇晒．