2011年11月30日 星期三

南翔饅頭

既然係短短週咯,咁啱Bibi今日冇堂,就試埋張購餐啦!



我地去到果陣只得一兩檯客,張墊檯紙講到間野咁巴蔽




仲話d小籠包蒸起後要3至5分鐘內享用云云.




我地既二人餐包括:

雞絲粉皮,麻醬夠多,真係要二人合力作戰先可以解決佢.




六隻小籠包,皮唔算太薄,亦都唔可以冤枉佢話佢厚既,但隻隻都可以夾起,入面仲有一包滾燙既湯汁,味道亦不俗,算合格架啦.





火腿雞粒蝦仁炒飯,唔油膩,但食咗前面d野,要食晒呢碟都幾係.我雖然都帶定餐盒以備不時之需,但留一半既話又唔三唔四,所以都係慢慢食埋佢.



之後,店面人流開始多啦,唔提佢地都唔記得叫廚房做埋呢個高力豆沙.熱辣辣,淡淡地,食完都唔覺膩.



飲埋壺茶,真係夠晒滿足咯.雖然佢有照團購所指,俾六款靚茶我地揀,都冇乜所謂咯.

咁呢餐幾錢呢?

$79咋!

如果正價去食,六隻鮮肉小籠包都要卅幾蚊啦,其餘既你地咪計下咯.

咁係咪好抵吖?

2011年11月29日 星期二

迷你口金

買了6.5cm口金框,想試做一個小口金.



用了絨布



原來尺碼小一點的口金框,是比較難做的.



所以單單上口金的工序就花了整整半小時.



一輪努力後,一個內外兼備的口金就順利誕生了.



左邊的是改良版一片口金,右邊的就是小巧的迷你口金



為了讓大家有一點點驚喜,



我用了同款的布料做了大小口金各一.



我把小口金放到大口金的肚子裏,再讓同事傳閱.大家打開了大口金,都不期然嚇了一跳.



最意外的是,小口金竟然是"對花"的!






口金中的LV呀(我指對花咋)!

2011年11月28日 星期一

青春常駐


十九年來,第一次Bibi生日,我冇同佢一齊過.佢開始大,始終都有第一次既.

每年佢生日既日子,大多都係學校既旅行日,真係夾都冇咁準.但今年生日,就要應付考試,被大堆書壓住,先苦後甜,風水輪流轉,到人地考緊試果陣,你又玩緊既唧.

我都識得好幾位同佢同一日生日既朋友,今次呢個係青提慕司蛋糕,你地估下係為邊個而做既?

先配上鮮忌廉圈及朱古力糖漿


 



再放上一對壽桃,更添福氣.



俾個放大好多部既近鏡你睇又點話吖,少少瑕疵在所難免.


 


就算呢個放大咗1.5部既版本,你都唔會睇到佢衰乜架啦.....



何況拎住實物既壽星女呢?

 




祝見習媽媽越活越精彩.


2011年11月26日 星期六

Grace ,一路好走...

一位共事多年又剛離職的同事,急病去世.

年方正茂,就此離去,大家深表婉惜.

痛,是少不免的了,大家收到消息的一刻,亦難以接受.

同事間不安的心情,亦可理解,有些甚至連續數天難入寐.

希望她的家人可以盡快走出陰霾,生活從上正軌.


2011年11月25日 星期五

挑戰三片口金

只要懂一點點基礎口金包做法,其實要做一個三片的口金亦不是難事.



順利完成包包的面層



再縫裡布,像車縫的一樣?當然啦,我這回取易不取難,乾脆畫了一條線才縫合.



用別針別好面布及裡布



才把它們縫合起來.



上好口金框後,就完成了.

 



底部是這樣的:



用了鮮豔的縫線,效果亦很突出.



提早送這份給壽星女,希望她別介意這是個實驗品啊!

2011年11月24日 星期四

爸爸小發現

買回來的物品很多時會附有產品名牌,大家是否每之都會把連著的膠帶剪爛呢?



原來利用簡單工具就可以把它弄鬆,日後可以重用.

看看爸爸今回選用了什麼?這可是如假包換的用乾了的原子筆芯.



就是利用末端的小圓圈




先將膠帶互相套著的部分如下圖推進圓孔內






再使一點力去拉,就可以順利把膠索鬆開了.



動動腦筋,這些膠索實在很有用途的啊!

2011年11月23日 星期三

極速口金

做一個口金都要花唔少時間架,咁如果整細d會唔會快d呢嗄?

今次我用自己畫既紙樣.



咁就等我黎做實驗先...

答案係:雖然好似縫既範圍少好多,口金框亦冇咁大,但上口金框既難度係高好多既.



所以,我開行turbo,都只可以係縫布時快d,而上框呢,就慢咗,我刻意每一下都催逼自己做快d,先可以符合到計時既原則.



結果呢,唔計裁布,由熨膠棉樸開始計,到完成整個口金包,都要成粒鐘先做好.





極速口金

做一個口金都要花唔少時間架,咁如果整細d會唔會快d呢嗄?

今次我用自己畫既紙樣.



咁就等我黎做實驗先...

答案係:雖然好似縫既範圍少好多,口金框亦冇咁大,但上口金框既難度係高好多既.



所以,我開行turbo,都只可以係縫布時快d,而上框呢,就慢咗,我刻意每一下都催逼自己做快d,先可以符合到計時既原則.



結果呢,唔計裁布,由熨膠棉樸開始計,到完成整個口金包,都要成粒鐘先做好.





2011年11月22日 星期二

貢品咸蛋

咸蛋大家就食多啦,咁五香咸蛋你食過未吖?

呢隻就係人家專程送黎公司俾我既蛋蛋啦:




夾啱食晏時間,切開呢....漏油架!




我地分咗四個人食,蛋白有淡淡五香味,好特別,好好味啊!