測試

Yahoo要摺埋, 我都要搵地方搬啦. 唔知呢度好唔好用呢?

請家開呢度既網友俾D意見吖.

謝謝!

大家請忍受住我呢個紅卜卜既版面先啦，我仲係新丁黎，未係好識用呀。

各位想add我既朋友，請你地註明自己係邊位，事關May姨烏sir sir，會搞錯晒啲同名既bloggers 架。

Yahoo blog要關閉，點算？

大家諗掂轉去邊未? 我仲未知呀, 如果你地知道邊度比較就手易用, 功能亦唔錯既, 就通知我咯喎。

我珍惜係度相識既朋友，希望大家可以繼續保持聯繫啦！

我試開左呢度：
maylibibi.blogspot.com
未係好識用住，暫時用copy & paste ，尚算行得通。但要搬返所有舊野過去，我就未曉啦，睇下星期一yahoo 既指引點講先算啦。

大家用開既，請你地分享下使用心得，等我唔駛做盲頭烏蠅。

大家要add我既話，請你地講清楚你地係邊位，事關我有時烏sir sir，搞錯左就唔好啦。

曇花再現

其實一粒花蕾最初係咁形成既，見唔見到呀? 係得咁丁丁架咋。

其實佢種係巴士總站附近，都冇咩人理佢既。日間大家只會見到一朵未開既大花苞。



可能因為種咗室外，陽光充沛啦(都唔知有冇D狗狗阿叔日間同佢加料)，D花蕾唔駛幾多日，就變到好大。

要等到深夜，先會漸漸開放。

等爸爸再一次為佢揭開神秘面紗。

爸爸來回一轉車，都要粒零鐘啦。所以係趕得切影埋佢盛開既樣既。

開盡之後，就會凋謝，軟軟地垂下。

可能佢地知道爸爸就黎轉早更，就急急開多幾次花俾佢拍下沙龍啦。

原本生到離行離列既，但到開果陣就好似並蒂花一樣。

之後，亦會齊齊做指南針。

佢地既樣，真係同霸王花好鬼似架。

我地細個，都只係種係騎樓既小花盆上，一樣會開出呢D巨無霸咁款既花架。

P.S. 爸爸話咪睇呢盆花得果一枝咁大把, 最近一開就有九粒花蕾, 其中七粒成形, 可以一齊盛放, 真係犀利啦!

歡迎常識科老師隨便借用此篇幅的圖片。

Happy Birthday to Shawn

我有十兄弟姊妹，咁Bibi當然有返咁上下多既表哥表姐啦。

今次呢個蛋糕係送俾IT表哥既，佢細個既時候，同我比較親近，所以我都經常送生日或者聖誕禮物俾佢架。

Happy Birthday to Sammy

見唔見呀? 我新焗既朱古力曲奇呀!




今次，我係要用黎做個蛋糕俾Bibi既魔術師表哥架，當然要有少少gimmick啦，所以我諗住整四條Kings佢歎下。(點解唔係四條煙? 因為多D色彩麻!)

我係有d要求既人黎，大家都知啤牌係魔術師必有既道具黎，通常佢地都係用大張既，今次我就要做丁丁張既。我覺得呢個1st Trial都係麻麻，粗糙咗D，咁C大，唔多襯。一於搵過批靚仔K4返黎座鎮先!

好啦，萬事俱備，又到我懶筋又起啦。一擺又擺咗好幾日，直至再唔整，一定趕唔切乾架啦，咁先肯郁手。我都唔知自己點解會咁既，硬係提唔起勁去完成佢。

終於，係去美食節果朝，沐浴更衣之後，我一口氣做埋佢。整整下先記起唔記得影相添!

原本既設計係得咁多裝飾架咋，清清地都幾好吖。

點知俾我發現咗啤牌旁邊有條仔刮痕，唔係啦掛!!!! 依家D手機拍攝功能咁勁，點見人呀?

咁我唯有放兩片檸檬糖片上去頂住啦。

用咗閃光燈既效果，睇唔出佢地既原色。用返冇閃燈，又好似好暗咁。我又唔識調較，其實佢係蜜瓜慕司餅底既蛋糕黎。

煙韌既蘋果椰子軟糖，就好似一把把用來變戲法既扇一樣。

添加一層啫喱液後，乾透就可以送出街啦。

Sammy，祝你生日快樂啊!

哈佛提素食 Harvester

因工作關係，認識了別家公司的阿四，偶爾相約一道午膳。

今回她選了在西港城旁的哈佛提素食。這處是自助形式，先自選餸菜(可以逐件挑)，再到收銀處量重付款。

恆切禱告

我對宗教沒多少常識，但亦想照顧到這方面的需求，所以想專誠做一個有宗教味道的印章。綜合各方意見後，我選了這一句。

又要請姐姐為我練字了:

抹茶泡芙

大家成日見我買咁多零食，又食過咁多唔同既古古力，仲唔肥死?

係，為咗滿足好奇心，同體驗唔同口味，我真係買過同食過好多唔同既零食。

其實我都幾鍾意綠茶味架，見到呢包野好耐架啦，但覺得唔多值，就一直都冇買。



見佢七折，咁就好啦，買包試下啦。

入面既包裝都幾靚既，一袋四小包。

一包入面都有六粒既。

咁款既

咬開係通心咁滯架，我就係食咗呢粒咋!

其餘既，又咪去晒各位親愛既同事既嘴巴度咯。呢D叫有野齊食、有肥同當。

咁十幾蚊只係食到一粒，係咪好貴呢?

條數唔係咁計既。

係能力範圍以內，分享係一種快樂黎，亦係愛既表現黎架。