2015年3月30日 星期一

大驚喜

日本朋友很有心,除了到港時會專程帶手信給我外,每年聖誕都會送Bibi包裹。自從Bibi成年後,我就著她不用再送禮物了,反正香港購物相當方便。

這包裹送到公司時我剛好休假,翌日上班就變成一個大驚喜了。


2015年3月26日 星期四

大伯的座定粒六壽宴

爸爸既大佬今年六十歲生日,原本人地話去食海鮮餐既,但就肯屈就同我地去食素菜代替,咁就由我發版啦。先由阿妹預備生日禮物:


2015年3月25日 星期三

羅漢松

大家有冇諗過由種子開始去種一棵羅漢松呢?

估唔到呢D就係羅漢松既果子呢?



2015年3月24日 星期二

滋味粟米片

係阿信屋買既芝士粟米脆片,Chio呢個牌子真係唔差架,佢仲有幾款味道添。


2015年3月23日 星期一

去番本,想返本? 咁易咩!

難得我可以一拖三,帶住三個俏娃嬌一齊食晚餐,最難得既係Bibi都黎到,雖然佢返工攰到爆,食咗唔夠一粒鐘就閃,早D返去搵周公子。


燒翠肉瓜,出奇地幾好食。


燒冬菰,食落冇見到咁dry,Bibi必食。


魚生,質素麻麻,尤其係我呢D郁下都唔掂既,一路食,一路驚架。佢地三個就冇事喎。


水煮白蜆,冇乜味既,好彩得幾粒。黑松露帶子沙律,凍豆腐。


燒蝦,肉質唔錯。


手卷,麻麻,紫菜唔脆既。


燒雞翼,比較乾,但幾好食喎。


卷物,不過不失


炒凡立貝,OK。大喜屋大粒好多。


天婦羅,都正常。不過我喜歡燒蕃薯仔多過炸蕃薯仔。


果頭仲話追加溫泉蛋同乜乜物物,呢碟野黎到,佢地三個竟然話想唔食喎! 喂,食過呢間果位,知道柚子醬難頂既話,你唔早響?


炸芝士年糕真係冇得輸既,唔食點得,但果D豆肉芝士,咪好似魚餅咁咯。炸雞軟骨都好食既。


有人話要食紫薯波,又再追加芝士年糕同豆腐芝士。今次上炸野,有配埋傳聞中既三款醬料我地啦。


甜品叫咗炸香蕉


芒果布丁(入面真係有粒芒果肉既)同兩款雪米糍(香芋同綠茶)。


我食咗一粒綠茶味


呢間野係旺角,地鐵一出就係



食完兜返出彌敦道搭巴士返屋企都好方便。


但係,要我再食放題既話,我會去返大喜屋咯!

2015年3月20日 星期五

2015年3月19日 星期四

桃花靚

今年Bibi已出來做事,沒空跟我逛花市,挑桃花,唯有兩老自己去辦,年廿八在花市走一圈,我挑了一棵全場最小的。

花檔員工問我想要怎樣的一棵桃花?我說我要一棵細小的便成。其實我早已鎖定目標,當我指出我想要的,她也禁不住有點吃驚。因為全棵花好像秃枝一樣,只有半粒花蕾正待放。



2015年3月13日 星期五

大家都去下濕啦

天氣潮濕,最簡單就係去藥材鋪,整包去濕料黎煲下冬瓜或者老黃瓜水飲下。

但我地爸爸就鍾意有返D肉味既,我又唔係好喜歡咩燈芯之類果D糠味,咁就黎一個簡易版既去濕湯啦。

材料:果皮一角、赤小豆、扁豆、生熟薏米、豬展或排骨。想好味D既話就放多少瑤柱啦。


2015年3月12日 星期四

2015年3月11日 星期三

有機蕉古力

訂開野食,順手訂D有機朱古力。平日我對白朱古力冇乜興趣既,但有蕉喎,Bibi應該會喜歡,就試下啦。工展會都有得賣,$28一排。



2015年3月10日 星期二

2015年3月5日 星期四

心心,我鍾意呀!

我一向有集郵既,細個果陣就當然隆而重之咁對待自己D寶貝啦。買咗又唔捨得用果種呀,但人大咗,就開始隨緣啦,有緣收到信,自己冇既,就儲起佢。有朋友同事冇儲開郵票既,收到信都會剪低俾我。

除咗日常寄郵件外,已經好耐冇主動出擊啦。

今次我買呢套郵票,應該係拜收到封信,上面貼咗呢個郵票開始既。



因為我成日都會寄下野既,所以就不妨買返D存貨,等人地收到郵包時可以開心下。



一輯六款,三款空郵。



三款用黎寄本地信件既。



收咗先知,原來個個郵票都有壓凸紋既。



多咗一份等色,唔知你地睇唔睇得清呢?



每款25個,即係75個本地郵資,75個海外郵資。總數面值$405,我係網上訂購既,約一個星期就收到啦。如果自行到郵局領取的話,就不用額外收費。



但我懶,俾少少錢人洗,又唔駛行去郵局,又唔駛排隊,十皮就乖乖奉上。

講真吖,郵局真係好似印銀紙一樣架,大家買咗呢D期貨,又唔用喎,佢地就袋硬啦。而好多人都將佢地變成私人珍藏,咁賣郵票既收益,大部份白逗咁滯,如意算盤確係打得tag-tag響架。

2015年3月4日 星期三

童心童話

Bibi係我既心肝寶貝,所以佢既墨寶,我到今日,都仲會留返多少架。係公司寫字檯櫃桶發現呢封信。


2015年3月3日 星期二

賞櫻

係,我承認,係貪新鮮。其實我早就食過呢款古古力既綠茶年糕味架啦,今次見佢出櫻花味,又有同事好喜歡我之前提果款綠茶味,咪買返黎大家試下咯。係,我承認,我好竉D同事既。



2015年3月2日 星期一

羊年開年飯2015

一如以往,我地都係返香港仔開年。今次我帶備摺財神既配件,教兩個家姐整下呢D,氹得佢地好高興。