撿破爛

今日(30/09/2017)呢一箱，係極品黎，我只返得半日，係冇能力搞晒佢既。

哲學書，日久失修，九成都係嚴重病患，只可以盡做架咋。



呢一本，表面睇黎冇咩唔妥

但入面被太多膠紙污辱過，內傷。

有好幾處地方，仲搞到粘連，要拆都唔係咁易。

最慘係粘咗膠紙都仲要甩甩離，書紙都扯到爛晒。唯有拆得就拆，棟得返齊D書頁就已經唔錯啦。

呢本，傷得仲勁。

入面散晒不特止，睇下頭幾頁，直頭縐到不似紙形。

清走書背果D不必要既東東先。 

呢頁紙我用濕布攤返直，用灰板夾乾。

再用漿糊及紙條補缺。

因為紙太薄，我底面都粘一張加固。

裁走多餘紙口，現在可以歸隊了。

組合回書體，正面已大至可以了。

再看看背面，最後一頁被人撕爛了，而且書頁下半截早已人間蒸發，然後再硬生生用膠紙沒有對準書邊就貼合起來。

又要撕走膠紙，再整合。

一個早上只做得四分一箱書，餘下的就留給大家慢慢歎了。