防治感冒的欖蔥茶

講開感冒沖劑，嬸嬸強烈推薦呢款:

咦，我聽都未聽過喎。

香港品牌

原來廠址在屯門，咁應該我家附近葯房都有機會買到喎。

原來平日都可以沖黎飲當保健既

我一向都知蔥白煲茶飲可治初發感冒，但一到感冒起又去邊度搵蔥白呢?所以我都會買定D即沖感冒茶係屋企看門口既。

今次嬸嬸介紹給我的，主治外感風寒引發的一連串徵狀 。記住，係風寒，唔係風熱喎。


請參考 : 感冒的辨証

風熱感冒： 症狀表現為高熱、稍稍怕冷畏風、咽喉腫疼、口乾欲飲、渾身不適、出汗、鼻塞、或有咳嗽、黃痰。舌苔薄黃、舌質偏紅、脈搏浮數。

風寒感冒 ：症狀表現為惡寒重、發熱輕、無汗、頭痛、鼻塞、流涕、喉癢咳嗽、痰白清稀、四肢酸痛。舌苔薄而潤，脈搏浮。

入面是碎片狀的，用茶袋裝好，好似茶包咁加滾水浸焗5-10分鐘就可以飲用。

10/4/2018，碰巧阿仔週末睇完七人欖球賽，星期五那晚應該冷病唔少人，返到公司把聲都變埋。一於死馬當活馬醫，整杯佢飲下，等佢洽一陣。連鬼佬都話唔錯喎，整多包佢帶返屋企，晚上自己泡黎飲咗先訓。


6/5/2018，今次好似係我自己瀨野，早上起床喉嚨乾又痛，食完早餐仲好似更差。返到屋企一於焗返碗自己飲下，咦....乜咁易入口既?原來冇藥味架!仲有一陣淡淡既香蔥味，可以稱得上好飲添。我冇晒野，晏D拎返個茶包黎沖多杯，當水飲。駛唔駛得?我覺得喉嚨好似舒服咗D，都值得推薦既。

原來上次嬸嬸真係買錯咗茶葉裝，大家應該買茶包裝，就唔駛自備茶袋咁麻煩啦，認住左下角既標記喎!

茶包裝入面是這樣的，但成份跟茶葉裝的一樣。我這一盒16包的，在上環賣$35。

嬸嬸話，平日自己飲用，翌日早上會加多片生薑同條蔥黎焗，會更加見效咁話。