envy蘋果

知唔知早前係Market Place有隻獨家代理既蘋果呢？

佢叫envy，紐西蘭出品，外表同加拿蘋果咁上下，但就大隻好多．

切開個心係好細既，睇下，要切走既部份唔多．

ｄ皮又夠薄，而且冇蠟面，洗乾淨就食得．肉質爽脆，好甜，又帶好輕微既蘋果酸，切一隻，夠我地一家三口分享．

想獨食？咁就要當一餐晏仔咁食啦，好有質感架！加一個包就夠晒啦．

幾錢話？$6.9咋！

我唔建議你成個拎住咬，好似要食到地老天荒咁架，都係切開黎食，方便食ｄ．

大家想食？睇怕要等一輪啦，事關已經過咗造啦．

簡單任務

家姐話棵羅漢松要再set盆，於是我就拎埋ｄ架生去幫拖啦．

批走突起部份，加膠水同油泥

鋪草皮，插返枝羅漢松上去，好彩我醒，帶埋卷啡色帶唧．

加返間屋仔先

家姐話間屋同棵樹太近，要搬屋喎，又得唧，立即辦妥，仲快過"人人"呀！

酒店

Bibi好幾年前已經立志要讀酒店管理，所以陸續借咗好多有關既書返黎睇．

印仔１７３ － You're Invited

做字印都幾有用架，要黎整卡就啱晒啦．

開開心心咁用上次張茶葉紙黎描圖，都知佢有ｄ地方矇矇地架啦，諗住自己多數都唔依本子辦事既，冇乜所謂啦．

蜜瓜雪糕?

老花兼大近視，想話去七仔買果隻可以搣皮黎食既香蕉雪條既，點知去到，最後一枝都俾個師奶拎住咗啦．

左睇右睇，都冇咩好食．見到有杯疑似蜜瓜雪糕既東東，韓文既，好！又整杯試下．

House Warming Gathering

到姐姐家作客，賀新居入伙，正好各兄弟姊妹一聚，雖然有幾個家庭未能出席，但都無改熱鬧氣氛．

這幾隻碟子，是姐姐親手所繪，想不到她老來亦發揮一點美術天份呢．

印仔１７２ － 企鵝團隊

做了一系列的小企鵝，讓牠們逐一出場吧：

一號

出椒

D迷你椒開始有起色啦．．．．

今次呢粒大得好快

初初我仲以為佢地唔得架啦．

明顯大咗

過多日，開始有身裁啦，見唔見側邊有條凹入去既痕呀？

大家都好擔心，回歸日假期返黎仲見唔見到佢．

主人家仲連放三日添，我拍心口應承星期六俾水佢飲．

睇下！冇見一日，又肥咗，令立立咗．

佢有幾大粒呢？睇下我隻手指啦！

呢幅就再過多兩日既.

暫時佢都好健康成長，今次應該得架啦！

小發明

爸爸雖然成日搞破壞，但偶爾都叫做有少少佳作既．

好似呢ｄ隱形眼鏡既畸史咁，用咗一輪就要換新架啦，但佢好地地，我又唔會掉咗佢架喎．

印仔１７１ － 害羞

兩年前整過得個頭既小矮人開心（印仔五十八　－　開心小矮人），今次要向難度挑戰，做全身既小矮人．

爸爸的網鮑

大想頭爸爸，買咗呢ｄ一毫子咁大既鮑魚仔返黎，話想佢地開枝散葉．

幸福的16年

沒有刻意地走過寵物書區，隨意執起這本書．

一生一世的承諾

看了簡單的序，這本大概是值得一讀的書吧．

看了這family tree，被吸引了．

坐下來，細讀一章，唔～今天就只借這一本吧．

阿福是狗女來的，曾生育過一次，這段生產經歷，頗有趣．

人家說義犬報恩，傻主人就義主報犬．

若當年有狗醫生的話，我說阿福當可入選．

到底一隻雜種傻狗，在傻宅的１６年歲月是如何度過的呢？大家可要快快到圖書館借閱了．

看了數章，我告訴大家這是一本值得一讀的好書．

看完了最後一章，催淚彈爆發，鼻子久久未能暢通．一定要向身邊的朋友推介，但記緊，最後一章要留在家中閱讀，否則．．．後果自負．（呢本書搞到一眾同事淚漣漣，順道醒醒鼻子，令淚腺暢通，有益健康．）

無論你有沒有飼養狗隻或其他寵物，齊齊分享傻媽，傻爸及傻狗一家真摰的愛．

若你有愛狗的朋友，送她／他這本書吧，是一份很有意思的禮物呢！

和哈利波特約會後

Bibi終於都抽到時間同我一齊去睇戲，佢話唔想睇3D，因為去過Mega Box睇3D戲見頭暈，有陰影，所以就睇2D．

印仔１７０ － Airmail & By Post

賣花姑娘插竹葉，我好似冇為自己整過任何章喎！

咁就不如實用ｄ，整返ｄ印仔係公司用啦．

有機胎菊

早前買了些有機胎菊，在家泡來喝．

但見一朵子小花綻放，賞心悅目．

近年大陸濫用農葯栽種，盛開的普通菊花，已經不敢隨便買來沖泡了．大家退而求其次，就買胎菊．

現在買到有機的，就可放心飲用了．

我是一個懶人，只會偶爾喝一杯．Bibi呢，就會加少許有機杞子，明目安神．

菜水茶? - Miss Chopsticks

呢本係英文書，中文書名叫菜水茶，認真怪雞．

背影相當近代，係講述三個偏遠地方的農村三姊妹，怎樣在城市謀生及工作的故事．

由原始樸素，走進繁華的花花世界，一個在食店幫工，一個在水療中心做事，另一個就在書香茶館做侍應，純潔的心只為在鄉間的母親而努力．

所謂Miss Chopsticks，即係農村人重男輕女，男孩能當棟樑，女孩則如筷子，難當重任．幾個平凡的女孩，各有際遇，雖未出人頭地，但亦令沒有子嗣的父母爭回不少面子．

外藉人士讀此書，會饒有趣味．認識中國國情的香港人，就更能代入書中的角色，看得更投入了．

湊巧的是，當我放了此本書上facebook，原來真有人在找來看呢，還托人到香港買．其實，這可是如假包換的英國出品啊！

印仔１６９ － 穿雨衣的小男孩

既然做得小女孩，就做夠一對，整埋小男孩啦．

日本手信

同事遊日本，不忘買手信．

大家均知道大部份製成品都是中國製，她特意找一間現場剪裁，車製袋子的店鋪光顧．

有機店

逛吉之島超市，冇乜購物意欲，只買了這盒長柄士多啤梨．

跟住同爸爸買咗兩件Polo就閃啦，仲諗住即刻返屋企添．

點知俾我地見到呢間新開既店．

入面一個客都冇，有兩個老人家係門外裝裝下，我就同爸爸講，不如入去行個圈啦．

裏面可以講全部都係放心產品，唔係有機既，就係天然既食物同用品黎．雖然店仔細細，都夠我瀏覽一下架啦．

無患子，咩黎架？

首烏就大家都應該知有咩作用架啦，梗係黑髮用架啦．而無患子呢，原來佢既果實係含有天然淨菌素架．呢樽東東據聞係中性，乾性及白髮同毛髮稀疏專用既，一聽到會令頭髮逐漸變黑，爸爸就好想試啦！

每樽都有一粒無患子，俾大家見試下佢地真身係咩樣既．店員姐姐話：如果你儲到幾粒，可以放入廁所水箱入面，有清潔作用云云．唔知掉粒入爸爸個魚缸度會點呢可?

我地下晝返到屋企，都有即刻開黎試下，唔用焗油同護髮素，睇下咩效果．之後吹頭梳頭都幾順喎！

呢包咪即係方塊酥！都幾貴．獨立包庄，爸爸買黎做自己茶點喎．

呢包素肉鬆，其貌不揚，但原來係用竹鹽調味既，以非基因改造黃豆黎整，又冇防腐劑，咁就唔算貴啦．

呢一盒仔竹鹽，都幾貴下，佢含有天然礦物質同微量元素，爸爸工作出汗多，想加少少鹽入水度沖飲，補充下，唔用得幾多，其實仲抵過飲保礦力．

呢枝係濃縮百香果汁，咪即係熱情果咯！

出自陳稼莊農場

雖然佢加咗糖(有無糖款架，但我驚冇咁好味，但俾小朋友飲無糖就好ｄ)，但沖出黎唔係好甜架咋，好過買現成一盒盒果汁吖．

其實我ｎ年前都買過佢地既果醋架．

佢地咁有理念，都應該支持下既．

無添加呢三個字，真係可以買起我架．

唔知有加糖既果醋有幾難頂呢？我以前淨負責買，冇話過會負責飲架．

俾個貼士大家：價ｘ棧有時會有得賣，一定平ｄ．

原來港九新界都有好多間分店既，我入咗會架啦，本身有我手機既朋友，去開買野，如果俾錢果陣，人地問你係咪會員，你可以話係，只要提供我個手機號碼俾人核對就有九五折架啦．（店員話會員既屋企人都可以有優惠吖麻！）