Christian Potier Mustard Sauce and Bearnaise Sauce

2/11/2014，其實呢個週末我都冇乜動力出街。但睇晒D書都要還架，咁就去市中心圖書館啦。

誤打誤撞，又俾我遇著明愛賣物會喎。而我呢個經驗咁豐富既師奶一出手，就梗係搵到好野啦!

離遠睇，我仲以為呢D係腸仔，來老野黎喎，又冇睇清楚佢寫乜。但係我見到個好驚人既價錢。

$3!!!! 冇錯! 係三蚊一盒，仲要買五送一，即係$15有六盒。

真係好方便，一盒三包。有三款味道，香草、芥末、辣椒，但我只買咗兩款，辣椒應該唔啱我。

香草呢款，適合配燒魚同菜蔬。

芥末果盒就比較適合肉類啦。

見到冇色素、冇防腐劑同人工味道，已經比較安心。而且佢仲係一條一人份量，真係好方便。

牛油、乾蔥、龍蒿(呢樣咩香草黎架?大家可以係呢度睇下佢咩樣: 龍蒿)

用微波爐加熱又得，放入水烚熱又得，我係公司就用熱水浸熱咋。

兩款既熱量都唔同，一條係50g，大家將個熱量除二就知架啦。

呢碟係我整俾Bibi既秋葵煎帶子螺絲粉，都唔錯架。