北海度牧場餐廳

$38二人餐，去邊度搵呀？

蛇年竹報平安, 富貴吉祥 (六)

又花咗成晚去油晒D竹節，唔信? 咪睇小呢條線呀，你估易油架?



手頭係得呢三組已經紮好既。返埋星期四我就收爐啦，星期三晚梗係SET一盆帶返公司，孝敬下成年咁照顧大家既嬸嬸啦。我揀咗富貴竹003率先登場。



用阿仔係泰國買俾我既四方碗仔先，我連仿真水都慳返啦，用粘土扮草算啦。中間可以唔整，因為都會插棵野入去架啦。

 

吉咗入去啦，效果都唔太差既。

我唔打算用金絲去繞住佢啦，咁整太俗氣啦。

雖然家下清清地已經好靚，我仲有橋可以令佢更加醒目既。
(待續)

利是封都係藝術品

隔離位老闆收到一盒郵件，咁我地做老秘既，梗係第一時間睇架啦。



拆開原來係利是封



外封套係型格通花紙雕，內膽係閃閃生輝的金紙。

另一款係四蛇相扣

連張compliment slip都有個好靚既印章。

一盒利是封有兩款，仲有一本精美既簡介



前前後後都有設計元素

金蛇喜舞

小冊子入面，都有各款篆刻介紹。

唔駛多講，都知係出自名家手筆啦。

 

利是封都係藝術品，仲開心過收盒朱古力。

蛇年竹報平安, 富貴吉祥 (五)

好啦，應該要開始做定D芽仔啦。我初初好笨，真係逐粒芽仔去整。

後尾覺得咁都唔係辦法，日後要計下夠唔夠數都係煩。

所以呢，就一早做一堆芽芯先。




呢堆野就夠數做十盆架啦。有人話，D葉係咪可以薄D呢? 係咪要有深有淺色咁呢?



其實我已經盡量做薄D架啦，但太薄既話，就好易被天氣變化所影響，會受潮。

我初初都盡量做細粒D芽仔架，但後尾都係做返大粒D，棵野壯D仲好睇啦。

整好晒，就一份份咁分好佢。

再逐盆竹既竹枝咁完成。呢晚只係油咗兩盆既竹同再整多一盆既竹枝。

過咗一日，可以組合啦。右邊果盆係試驗品富貴竹001，左邊果盆係改良版，富貴竹002。

開咗幾晚夜車，先叫做紮好兩盆，同整咗呢堆竹仔。

因為約咗Bibi個契媽食團年飯，所以冇時間整。但我食完飯返黎，都做埋最後一份既竹仔。

真係時間無多，仲有四日就過年啦!

迎春花吐艷，蜜蜂採蜜忙

我家平台花園，栽種了不少花卉。除了普通的玫瑰外，還有這些色彩繽紛的花朵。

 

1/2，我放假一天，正好在陽光燦爛的日子，為這些花朵拍下照片，跟大家分享。

有些品種，我都不認得。

 

有個意外收穫，我看到了很多蜜蜂採蜜。

雖然只是用手提電話去拍攝，效果亦不錯呢。

有這許多小蜜蜂來訪，城市人真箇少見。所以，我冒險為大家拍了一條短片，不妨讓家中小孩齊齊觀賞。

冒住生命危險拍的小蜜蜂採蜜忙。
https://www.facebook.com/COMPASSVISA#!/photo.php?v=10151304000348681

這一叢海棠，可藏了不少蜜蜂呢!



大家可以考考自己的眼力，看看找不找到小蜜蜂的芳蹤。



花槽前就是供人竭息的石壆。

有街坊悠然自得地閱報，仿佛身得的小蜜蜂跟本就不存在。

你有你忙你的，我有我忙我的，河水不犯井水。

好一盆黃菊，應該可以多放一段日子，仍保持亮麗呢。

或許春天的步伐已到，似乎大大小小的花兒也不想讓其他花朵獨領風騷。

連這些矮矮的紫色葉子也吐出小白花。



要賞杜鵑，不一定要到特首府，這兒也長得不錯呀。



這一盆顏色艷麗，充滿喜氣。



紫紅色的花朵開滿樹稍

還有很多花蕾待放呢。

有這許多顏色襯托，連黃色花朵也顯得蠻漂亮的。


屋苑預留了空間給坊眾曬水仙，驟眼看像一片水仙花海。

可能近日天氣和暖，有部份已經急不及待，招展人前。我趕緊多拍幾張，為這盆花留下美好一剎。



今日是情人節，祝大家情人節快樂!

蛇年竹報平安, 富貴吉祥 (四)

既然行得通，就要向十盆呢個目標進發啦!

正式開工，要剪定晒D內膽先可以一次過咁做既。

一百八十枝竹，絕對係會手軟既。拎鉸剪既手都痛C啦。

咪睇少呢堆野呀，佢地將會係我D富貴竹既內涵黎。

睇下，盒牙籤所餘無幾啦。

始終都係人手製造，剪左都會有多少長短分別既，所要要預先排下隊。



再將相近長度既分組，先可以做出比較平均既小盆栽架。

唔係你估，淨係咁玩法，都搞咗成晚啦。