2013年6月28日 星期五

古董兒童書

這一批古董書,1966年版.當年適齡閱讀的小朋友,應該已當了公公婆婆,爺爺奶奶.



我保存得相當完整,雖然舊書的紙質不會太高級,少不免書紙氾黃,但無損內容.




定價八角,可不便宜.當年五仙已可享白粥油條,相信小康之家才會買給孩子閱讀.




這一套是雙語系列,彩色印刷.



連內頁也有精美彩圖.




這一套是有原庄膠套包裝的雙語故事書

 

 



一套五本,售價二元.



這批圖書是我在Bibi小時候,於一間老牌書店結業時買回家的.像尋寶一樣,搜羅了大堆絕版兒童書.

當時其他顧客對這些書都不感興趣,被放在賤賣的書堆上.我同時亦選了很多兒童小說集及其他新版一點的故事書,可惜力氣有限,未能盡情購買.

現在這一批書,我已經送給了家有三小寶的家庭,希望在它們進入廢紙回收箱前,可以多幾位讀者享用啦!

2013年6月27日 星期四

2013年6月26日 星期三

2013年6月25日 星期二

書山有路

我做野好講眼緣既,咁啱俾我睇到呢句野,D字體又幾OK,咁就整下啦。

2013年6月24日 星期一

團購@北京老家

間中睇到D就腳既二人餐,若然食用日期會長少少既,就會買定,方便同朋友相聚,唔駛點踱食乜。



今次我買咗呢間,$188 + 食完俾 $20 服務費。即係$208,兩個人係銅鑼灣黃金地段食個二人晚餐,都算係咁啦。



第一次踏足金百利,都幾多食店架喎。如果我唔係早就有目標,真係有選擇困難症。入到去見到裝修簡單,擺設頗有中國古風。





好適合帶鬼佬黎食






連牙籤筒都襯返晒個環境。



好似草蓆既檯面,餐具亦幾靚下。都叫做乾淨企理。



個餐係連紅/白餐酒或汽水既,我地都唔飲酒既,所以要咗忌廉。佢地老實不客氣,成罐上,仲好,易處理又唔造作。







先上素鵝,出乎意料地好食,全腐皮製作,中間心有鮮腐竹feel,都幾厚,唔似行貨。外層就脆脆地,又唔會燶,亦唔油,推介!




我地要咗白菜餃子,亦唔錯,我就唔會咁斯文,成隻放入口,皮尚算好食,餡亦有肉汁,唔油。



驚尖椒會太辣,所以要咗木須肉(即木樨肉)。我以前睇書就話係京城,因為對太監有忌諱,飯店菜餚不提"蛋"字,所以炒蛋叫木須肉云云。

而維基百科側說:

木樨肉,常被訛傳名為木須肉苜蓿肉等。其菜以豬肉片與雞蛋木耳等混而成,因炒雞蛋色黃而碎,類似木樨而得名。梁恭辰在其《北東園筆錄·三編》中記載:「北方店中以雞子炒肉,名木樨肉,蓋取其有碎黃色也」。

我地呢碟呢,真係配料多於一切。菠菜、木耳、銀芽、肉絲、蛋只得好少,美味可口。




北京烤鴨上檯,我先醒起好似有個湯架喎。問侍應,佢話係喎,未上添! 我地貪心D,一塊薄餅包兩件鴨,趁熱,都唔差。有多既皮,我就拎D木須肉黎包,一樣好食。



最失敗就係個蕃茄蛋花湯咁遲先上,事關佢係味道最清淡既,要味蕾黎一次反高潮似乎唔係咁好。呢個湯係全素黎,入面仲有幾片薄薄既青瓜,原本係開胃前菜,變成單尾!





跟住上埋甜品,桂花酒釀丸子。我從都冇興趣食呢D甜品既,所以對此不能置評。我只知道佢唔夠熱唧。






總括黎講,係個湯同甜品差D,其餘食物質素在上準之上,係可以安哥既地方,冇睇過佢地既餐牌,但要我貴少少帶老外朋友黎食呢,我係願意既。記住訂位喎,七點幾已經坐滿人架啦。


2013年6月21日 星期五

2013年6月20日 星期四

小智慧分享

家姐傳咗個電郵黎,介紹我一D生活上既好點子。我選咗幾個較為實用既俾大家睇下。


好多洗手間既洗手盆都係好難接水既,尤其係廁所水暫停供應既時候,想搵D水去沖廁都幾麻煩,又唔係下下都會有膠水喉可以用。將個鏟咁用法,就真係聰明啦。


2013年6月19日 星期三

黃斑

家有十兄弟姊妹, 唔計大家年紀大之後要戴老花眼鏡, 大部份兄姐年青時都沒有近視問題.

某次家聚, 才知一位哥哥原來有一隻眼睛有黃斑病變,失去大部分視力。

好彩有日佢同囡囡去開眼鏡鋪,諗住自己有返咁上下年紀, 都應該整返副大眼仔駛下, 於是就順便配驗眼, 配返副老花鏡啦.

驗眼時,視光師問佢睇到咩? 佢見到眼前漆黑一片, 仲以為人地玩佢,冇拎走遮擋眼睛塊野。

哥哥: 你咪玩啦, 你唔拎開塊野, 遮住晒點睇喎!

視光師: 嗄 ..... 我冇遮住你呀, 你真係睇唔到呀? 咁你要快d去睇醫生啦.

原來佢真係睇唔到呀!

唯有去睇急症再轉眼科,醫生話可以同佢試打三枝針,每枝自費九千蚊,但未必有幫助. 事關好多人打左都係冇效,或者效果只係短暫. 若然佢覺得打完幫助不大,就唔好晒錢繼續打啦。

佢都算好彩啦,或者發覺得早, 打咗針之後, 佢由只係睇到前面個人對腳,變成可以睇到埋個身,即係視力範圍有明顯進步。

我地聽到佢既敘述之後, 不約而同都自己用手蓋住一隻眼, 睇下自己既視線範圍有冇收窄.

如果你地有相似情況, 真係事不宜遲啦, 快d請教下眼科醫生啦!

2013年6月18日 星期二

逍遙

做咗個印幾個月啦, 都未排到隊出甫士. 其實你地係咪已經睇到好厭呢嗄?


 

2013年6月17日 星期一

和媽媽一起度過的900天旅行

花了兩天便看完這本書。



大家可有想過跟媽媽出門旅行嗎?這可不是廿多歲子女帶著五十多歲媽媽出門的旅遊故事啊!



七十多歲的王一民不倚靠現代化交通工具,單單駕著一部自行改裝的三輪車,就由中國的最北的塔河,帶著百歲母親走到最南的海南島。



大家只要看看這幅地圖,就可知道旅途有多艱巨。



這個故事深深打動了韓國作家俞賢民,他決意要將他們母子倆的旅行故事寫成書,將這種孝行傳揚開去,或許大家會得到啟發,喚起人們的孝心。




王老伯說:子女孝順父母,是天經地義的事,我只是想讓母親看看世界,拉著三輪車踏上旅行之路而已。




要走到這麽遙遠的地方,談何容易。有人曾經提議,為他的三輪車裝上機械裝置,又或者贊助他倆搭乘現代交通工具,都被王老伯一一婉拒。





只要看到母親的笑臉,作為兒子的,就會感到幸福。這是多生多世才能修來的福啊!



遇上斜路難行,王老伯是用繩子拉的,往往磨到肩頭出血,連繩索也換了好幾條。因為車廂狹小,只容得下母親,未能投宿時,他就要當天為被,打著露水捱過濕冷的夜晚。




終於,母親也在途中生病,尤幸王老伯終能撐到把母親送到診所,才體力不支而暈倒………………





灰色的是他們回程的路線:


 

中國大地,要由極北跑到極南,單靠人力已不是一件易事,何況要走到路遠難行的西藏呢?

最後他是怎樣帶母親到達她心中的理想國度的呢? 容我賣個關子,你們自己看看吧。


 


 


2013年6月14日 星期五

樂農


係未有預約情況底下,晨早俾人召集晚上去飯局。咁啱遇著初一,我又咁啱想試呢間小店,又俾我訂到位,就要試下啦。



其實佢係修頓球場對面,好易去既。



現場係光光猛猛既



坐低,服務員就用手語問你要咩茶。




四個女子,點了黑椒紫菜卷,連雜菌炒彩椒一同用鐵板上桌。





紫菜卷著腐皮,可口。



咕嚕竹,又是竹皮做的,加上彩椒、西芹及菠蘿。我向來不好酸甜口味,但都會淺嚐。




用爐熱住既胡椒咸菜白果薏米鮮腐竹,飲呢個就唔駛叫例湯啦。