吐血的樂

咪以為一粒字易做呀? 我就係為咗一粒字犧牲咗兩粒幾鐘啦。

一開始人地話要單一個樂字，我仲以為自己有雕過添，想話係儲備度拎粒出黎頂當，原來係冇既!

咁好啦，整一個容乜易唧? 原來各大書法家既樂字都唔多合我眼緣，冇一個我想整既。好彩最後我都係蘭亭序度搵到呢隻樂字出黎。
(呢粒字取自冯摹兰亭序卷:http://www.9610.com/wangxizhi/feng.htm)

第一印出世，嘩! 果一畫未免誇咗D喎。



修一修先，中間個白字未開窿。



想盡量做到書法效果，要有人地lai筆墨跡有D震既效果，果一畫，其實我係想佢有埋回筆，收勢果少少勾仔架。(我係唔懂書法既，只係依樣畫胡蘆，所以唔知D筆畫正確係點稱呼既)

拿，就係咁咯。見唔見到呀? 其實下面木字果一勾可以再修一修既，但我好驚衰收尾，為咗修到個勾仔瀟湘D，搞禍咗咪弊! 都係咪搞啦。

 

最後呢，我都不得不提既，就係小小蝦碌，你地或者唔會覺架啦，就係果一個橫畫，其實去到中間交匯處，左邊係削多咗少少既，所以呢一畫就唔夠完美啦。而個白字中間果一部份，因為之前唔記得咗雕，後尾補刀，都係削多咗既。



衰妹，係你架，我有記住你既請求既，你返黎香港至俾你啦！