幪面超人家族

十多年前，發現了這套幪面超人戰隊, 放在一個長條膠盒內, 有氣勢, 而且相當可愛.

當時我一買就買了好幾套, 每套$39.90, 放了一套在公司, 送了兩套給朋友.

陳年餅卡

大家送俾我既卡同信件，我大多唔捨得掉(有時都會因為佢太正，我將佢循環再用，變左第樣野都唔定既。）

俾我係疊舊卡度發現左個信封仔，原來是結婚通知黎，不覺果對新人都結婚廿週年啦!

Happy Birthday to 桃子 2012

今日, 係Bibi生日, 亦都係桃子生日, 我個史露比印, 又可以再出場.

生日快樂!

乜原來我畫咗個死露比係度未雕咩? 咁好啦，整埋佢啦。

洗衣機大罷工

我地部洗衣機終於都罷洗啦。係未有新機送到之前，我希望大小不良咪慣性放D衫去洗衫籮，趁衣物少就洗咗佢，唔係積埋就大件事。

於是，我早上就貼咗張告示係廁所塊鏡度，仲雞乸咁大隻字寫住: 冇洗衣機

Pekkle IV

執野搵到張十幾年前既Pekkle刮刮貼紙，咁就揀一個公仔整下啦．都唔記得係第幾個鴨仔印啦，就當佢係第四隻啦．

每次畫完啲原版線條又粗又幼既草稿都咁滴汗，硬係手眼不協條，成日畫到鸞鸞弓弓咁．



實在太多陷阱位啦，好不容易先整咗個大概．

變變變生命力

某朝返工途中，街上有保險公司推廣，派小盆栽羅漢松。我原本都種得好地地既，一路都有慢慢長大。

可惜有一輪我放咗佢係電腦後面既partition頂，眼尾都冇理佢，又唔記得淋水。當我再望下佢果陣，已經成盆野枯晒咁滯。

雖然佢地已經死咗九成，中間條莖仲有D綠色。死馬當活馬醫，我一於整走晒D泥，用D水養住佢，睇下佢仲可唔可以再生返。

神奇地，原本啡色咗既葉，慢慢一截一截咁，由葉根一路向葉尖變返綠色。而且條分界線十分明顯。大家見唔見呀?幾個月前，果條分界線係冇咁前架。果陣我發現呢個現象既時候，都話過俾隔離位同事聽，但佢果陣都冇為意。



今日我再睇下棵野，頂頂仲生咗一小叢嫰芽。

你話佢係咪好神奇呢?

春田花花豬仔卡

我成日都分開幾集先完成D卡，點解? 因為未有收卡既對象吖麻。

曾經有人問過我，可否做麥兜既卡?

我當時好直接咁話:唔得! (我做野好講心情既，果一刻個心念不在就咩都唔願做架啦。)

唔知點解大家好似喜歡麥兜多過麥嘜咁既。



既然我早前做咗一個大D既印咯，咁就應該可以做下卡啦掛?

好，咁我就試做一張啦!

卡面用咗上面個印章。油咗顏色，係唔同D既。至於祝福字句，就暫時留白，只等有緣人。



我自己就覺得佢好適合反影友誼、兄弟情、甚至一般問候用途。

內頁還蓋了早前做的另一個小豬印章，令這張卡更可愛。

幼稚園考卷

呢份係Bibi細個既考卷，執開野，諗住影低咗就掉啦．低班，即係考試果陣四歲半．

自製棉花糖

這些原是放久變硬了的粘土，正想一掉了之。

垃圾婆本色令我不捨得隨便丟棄，再經加工，就變成這堆棉花糖。

它們有多大?若然大家的電腦屏幕不是太大的話，你現在看到相片中最右邊的一粒，應該是實物原大的四倍。

Winnie the Pooh - Piglet

小熊維尼入面，仲有呢隻叫Piglet既豬仔。

爸爸的迎新獎金

可能因為各位車長受訓時的十數天是沒有薪金的，捱過半年的試用期，獲公司正式聘用的的車長，就會得到六千元迎新獎金。

我們只需要簡樸生活(沒人想像到我的家居多簡陋)，多了這六千元，可不打算為家裏添置電器家具。

爸爸二話不說，就將這額外的收入，捐了出來。由我敲定，平均分成三份，分別送給善寧會、無國界醫生及兒童癌病基金。（雖然後來家中熱水爐及洗衣機相繼罷工，我們亦沒有改變初衷．）

鴨仔團

想整鴨仔好耐架啦，一於大小通吃。

紡織娘?

清明節, 去完拜山返屋企，風涼水冷，買咗哈仔雪糕三文治，諗住去平台花園度慢慢食．

經過樓下大堂外面見到呢位天外來客：

May姨自家品牌

都係時候檢討下自己既粘土製品啦，都應該搞下小動作將佢地up-grade下既。

今次, 我終於都肯的起心肝去為自己做返個印仔用下啦.

整容記 - PG家長指引

爸爸面上的一粒老人痣近月來不斷增生, 沒見數月的朋友相聚, 都驚覺他面上多了一粒像癦一樣的東東.

大鼠卡

可記得這個鼠鼠印章呢?



28/10確是好日子，我阿仔、大黃生、隔離位Candy姐姐同埋剛滿一歲的Olle小朋友都生日。

等我用呢個鼠鼠印做張卡送俾四位之中唯一既女士先。

就咁蓋隻鼠鼠，加埋我既墨寶，好簡陋呀可?



不如加D花花膠片啦，但Bibi一睇就話唔好啦。



都係用粉紅色既油彩，用牙籤點上心心算啦。

再加上自製既信封

 

同埋呢個獨一無二既牛牛夾夾(做好咗咁耐都冇俾佢睇過，就係要等今日送俾佢)，希望佢喜歡啦!

Green Thai

唔去拜山, 都冇乜機會去將軍澳. 亦都唔知開咗呢個叫大本型既商場.

 

原本我地只係諗住去下面巴士總站搭車返屋企既, 但之前入咗呢度交水費, 出返黎Bibi又話不如去今朝經過果間泰國菜度食野咯! 我其實唔係幾餓, 兩個人都唔知食得乜架, 佢咁有興致, 就同佢去啦.

步步高陞

原本住做個中性ｄ既蛋糕既，一早就執定配料，諗住做栗子朱古力就算．

整好咗個栗子凍餅，再係上面加上咖啡糖漿，將ｄ栗子粒純朱古力片放上去之後，就加個牌啦．



插好個牌之後，始終覺得空洞洞，於是就加咗兩朵忌廉玫瑰．

加咗呢樣女性化元素，就啱晒用黎送俾女仔啦．



今年有兩位青衣畢業，呢兩個蛋糕就作為佢地既賀禮啦!

Cheers!

有一朝，係D免費派發既報紙入面，夾咗呢本廣告冊：



見到有咁大忽顏色紙，我原本諗住搣佢出黎，俾教會既朋友做卡用既。點知揭揭下，俾我見到呢兩頁喎！

像一陣輕煙似的.....

在阿信屋可以買到呢款芝士球:



睇下成份, 原來係用糯米做架喎!

一袋六包

全袋都只係85g, 食一包, 就有82卡架啦.

用咗車打芝士同埋Camembert Cheese, 都幾香既.

一小包入面有十粒波波

入口即化, 好好感受一下佢溶係口入面既感覺啦.

人地話啲食咗之後, 好似冇乜食過既野, 叫做一陣風咁. 我就話呢款直情係一陣輕煙呀!



原來仲有一款長身既，口感有少少唔同，但味道一樣既．

Crunch新口味

上月, 七仔既收銀櫃檯有呢位佳麗登場:



新產品喎, 白朱古力Cruch, 開出黎同包庄顯示相片一模一樣.

入口有脆米, 但比脆米多一點點脆口東東, 原來那些紅色小點是覆盆子小糖粒來的, 所以咬嚼時聲音特大.

感覺特別, 但大家都知, 白朱古力就係偏甜架啦! 佢又未至於令你牙仔軟既, 一試無妨架.