Cheers!

有一朝，係D免費派發既報紙入面，夾咗呢本廣告冊：



見到有咁大忽顏色紙，我原本諗住搣佢出黎，俾教會既朋友做卡用既。點知揭揭下，俾我見到呢兩頁喎！

正得佢吖，一於剪佢出黎，好好利用先！

同阿仔執櫃，清咗D舊記事簿，入面有D內頁係全白卡紙黎，用得唔好晒，本住垃圾婆既性格，養兵千日先。



選一張一面印咗野既卡紙出黎，揀咗D餐酒。



呢枝白酒用卡紙托底，咁就夠硬淨啦。

有咩用? 遲下你咪知咯。

有人喜歡紅酒，有人喜歡白酒，咁我就兩款都整啦。



咁啱有兩個青衣要卜頭殼啦，我就整兩張卡賀下佢地啦。

我既墨寶，唔嚇得死大家都算偷笑啦。

用上呢D靚紅酒，放上卡度併下，OK喎。

在背面貼上foam tape，俾少少立體效果佢。

貼好之後就係咁既:

油埋D字先

我慳材料，只係用裁出黎既紙邊做咗個長方形紙筒。



貼係卡入面

將枝紅酒貼上去，咁打開張卡，就會凸出黎啦。

如是者，做埋另一張。

呢張就貼枝白酒。

一雞兩味既賀卡就完成啦!




雖然係簡陋咗D，相信佢地唔會介意既。

少少心意，希望你地會喜歡。