鴨仔團

想整鴨仔好耐架啦，一於大小通吃。



有大有細先易組合架麻。



呢隻係小鴨

用黃色印台係靚，但睇唔到條邊，想修改都唔得，所以用個啡色黎睇清楚D。

呢隻係鴨媽媽



整完印咗出黎，都唔發覺佢個膊頭要修改添。



等我印晒個鴨仔團，先發現佢唔夠靚。蝦......，點解印出黎效果未如理想既? 唔通我雕得咁差? 有D沮喪添。



後尾我再試真D，原來並不是我雕得衰，只係我太用力去印，驚死佢唔夠色，好地地既線條，就俾我壓到變晒形。



依家輕輕手印，就隻隻D線條都圓圓滑滑啦。