廢物利用之雙色玫瑰

這些是什麼呢?

它們全都是牙膏蓋。

為了方便，每次開新牙膏時，我都會把舊蓋旋上，保留新蓋儲起。

它們的價值可大了，正好給我用來栽花。相信大家亦不會留意到這麼美觀的花器是牙膏蓋啊!




這比要先做一個蛋糕底方便得多了，而且亦相當美觀呢。

義賣兔仔蛋糕

第一隻兔仔蛋糕出世啦，其實係無心插柳而成既。

我一向都好隨意，務求做到每個蛋糕都有D唔同，所以都會用上不同的元素及配件去完成。

這一款，用上熱情果芝士慕司餅底，配上大紅花糖片、香甜蜜瓜球、可愛白朱古力兔兔牌。

龍鳳胎卜頭記

無獨有偶，公司竟然請了一對同年同月同日生，來自不同星球的男女做青衣。

Happy Birthday to Shawn

我有十兄弟姊妹，咁Bibi當然有返咁上下多既表哥表姐啦。

今次呢個蛋糕係送俾IT表哥既，佢細個既時候，同我比較親近，所以我都經常送生日或者聖誕禮物俾佢架。

Happy Birthday to Sammy

見唔見呀? 我新焗既朱古力曲奇呀!




今次，我係要用黎做個蛋糕俾Bibi既魔術師表哥架，當然要有少少gimmick啦，所以我諗住整四條Kings佢歎下。(點解唔係四條煙? 因為多D色彩麻!)

我係有d要求既人黎，大家都知啤牌係魔術師必有既道具黎，通常佢地都係用大張既，今次我就要做丁丁張既。我覺得呢個1st Trial都係麻麻，粗糙咗D，咁C大，唔多襯。一於搵過批靚仔K4返黎座鎮先!

好啦，萬事俱備，又到我懶筋又起啦。一擺又擺咗好幾日，直至再唔整，一定趕唔切乾架啦，咁先肯郁手。我都唔知自己點解會咁既，硬係提唔起勁去完成佢。

終於，係去美食節果朝，沐浴更衣之後，我一口氣做埋佢。整整下先記起唔記得影相添!

原本既設計係得咁多裝飾架咋，清清地都幾好吖。

點知俾我發現咗啤牌旁邊有條仔刮痕，唔係啦掛!!!! 依家D手機拍攝功能咁勁，點見人呀?

咁我唯有放兩片檸檬糖片上去頂住啦。

用咗閃光燈既效果，睇唔出佢地既原色。用返冇閃燈，又好似好暗咁。我又唔識調較，其實佢係蜜瓜慕司餅底既蛋糕黎。

煙韌既蘋果椰子軟糖，就好似一把把用來變戲法既扇一樣。

添加一層啫喱液後，乾透就可以送出街啦。

Sammy，祝你生日快樂啊!

熊仔系列 II

總會有人偏好心形蛋糕的，所以都要偶爾造一個出來．



心形心意，送給新生兒就最適合．



同事生病了，為她送上一份祝福．

望她早日康復，重投我們的大家庭．



托小熊送上由衷的祝願

隨時為你送上熊抱



悠閒寫意，偶爾放幾天假，充充電也不錯啊！



來個熱熱鬧鬧的大合照，總有一款討你歡心．

 

 

 

 

熊仔系列 I

都好耐冇開壇作法啦，因為黎緊都有好多蛋糕既需求，都係時候做返ｄ存貨啦．

今次我就用朋友分俾我既貢品，做一批卡娃兒生日蛋糕先！

青蘋果慕司蛋糕，配糖花、忌廉圈及香芒球



為生晨的你帶來一點清新氣息．



鮮忌廉熊仔蛋糕，綴上檸檬糖小黃菊及青蘋果棉花糖．

連熊仔都食指大動



送上紫紅小花忌廉蛋糕，向好朋友說聲好．

最適合送給甜姐兒

慳功夫的小手作，希望大家不要嫌棄．

Sweet Sweet的感覺 － 金箔Thank you cake

呢篇blog，拖咗兩年幾先出世，我都覺得自己太厲害啦！

貴氣的金箔，最適合用來配巧克力蛋糕．

加上焦糖，未入口，先甜在心．再配上兩朵香檳玫瑰，簡直相得益彰．

原打算物件送出後，才會出甫士。沒想到它一直靜靜躺在櫃內，差點被遺忘了。

Cake for a new born baby

近排都好多朋友生BB，所以要趕工做多ｄ蛋糕應市。

呢個係青寧慕司餅底，加檸檬啫喱及檸檬軟糖，配西瓜糖片及新鮮車厘子．



等佢乾透，再添上透明啫喱液，靚晒！

我整既野，一向都物輕情意重架啦!

蛇年竹報平安, 富貴吉祥 (五)

好啦，應該要開始做定D芽仔啦。我初初好笨，真係逐粒芽仔去整。

後尾覺得咁都唔係辦法，日後要計下夠唔夠數都係煩。

所以呢，就一早做一堆芽芯先。




呢堆野就夠數做十盆架啦。有人話，D葉係咪可以薄D呢? 係咪要有深有淺色咁呢?



其實我已經盡量做薄D架啦，但太薄既話，就好易被天氣變化所影響，會受潮。

我初初都盡量做細粒D芽仔架，但後尾都係做返大粒D，棵野壯D仲好睇啦。

整好晒，就一份份咁分好佢。

再逐盆竹既竹枝咁完成。呢晚只係油咗兩盆既竹同再整多一盆既竹枝。

過咗一日，可以組合啦。右邊果盆係試驗品富貴竹001，左邊果盆係改良版，富貴竹002。

開咗幾晚夜車，先叫做紮好兩盆，同整咗呢堆竹仔。

因為約咗Bibi個契媽食團年飯，所以冇時間整。但我食完飯返黎，都做埋最後一份既竹仔。

真係時間無多，仲有四日就過年啦!

蛇年：竹報平安，富貴吉祥（三）

做迷你野都係認真d好既，所以我會油埋竹節位。




拍埋一齊就係咁啦:

睇黎六枝長樁都夠喎，仲企到添。

得三枝短樁，想整都整唔到架啦。再等多日啦!



做齊短樁啦，勉勉強強砌左一組出黎啦，長短樁， 唔加工修飾住，試下係咪可行先，真係得喎。 咁我依家知點整同點樣整會快啲啦。下一件會靚仔啲架啦！

放係呢個容器度好唔好呢?

都叫做合襯啦:

今日係大年初一，祝大家竹報平安，富貴吉祥!