2012年1月31日 星期二

Hearty Congrats

做迷你牌仔,係幾麻煩既一件事黎,所以我每次整親都搞好耐.

祝賀語當中,我就覺得"Hearty Congrats"至好用.無論人地生BB,升職,畢業,入伙,乜乜紀念都啱用.



所以呢,都會間中係接到訂單時,順手做多一兩個蛋糕,以備不時之需架.

今次呢個慕司蛋糕,雖然只係放咗黑白朱古力條同玫瑰果凍,配香檸糖漿,清清地,亦不失優雅架.

2012年1月30日 星期一

杏仁脆片


台灣手信,鱈魚杏仁脆片,包裝大大的,內面有一塊塑料氶托,可能是用來避震的.




打開包裝,大部份都碎成兩截,這是其中一塊較完整的.缺了的一角給我用手遮掩了.



鬆脆香口,有一陣陣鱈魚味,不錯呢!



正好配一杯工藝茶,過一個悠閒的下午.

2012年1月27日 星期五

舊瓶新酒,長頸鹿口金包

呢組印仔,真係俾我充份利用啦!





原來有人鍾情長頸鹿架,咁好啦,俾佢望梅止渴,有得睇下都好.




呢幅布,印小長頸鹿時有少少手震,對角有少少影.實在唔想浪費材料,反正我整既野都冇咩係完美架啦,少少瑕疵,由佢啦.



縫好一半,反身之後,都幾靚吖.



上埋個框啦,雖然佢並不完美,但只此一家麻,我做既野寧舍易認既.




點呀?人地既新抱仔? 滿唔滿意未來奶奶既心意呀?

P.S.人地奶奶回報:佢放咗一條好時款既金鍊仔係個口金包入面,新抱仔收咗,開心到跳起,唔係因為條鍊,係因為個口金包,早知就慳返條鍊唔買啦~~~

我早就話你知個包包夠照架啦,又唔信!

2012年1月26日 星期四

有機紫心蕃薯蛋卷

呢盒手作蛋卷,係用紫蕃薯整架!

 

有機?係咪架?都有成磅重喎!


 

據講係d80後大學生整既,佢地會唔會搵郅第一桶金我就唔敢包啦,但起碼都會支持下既.


 

百分百人手製造,一罐分四包,一個體貼既包裝,唔怕翻潮.


 

打開全部都係紫色既,一包六條.


 

有明顯既所謂蜂巢紋,即係鬆化既指標黎.


 

食入口都唔算太甜既,有冇蕃薯味?少少啦,蛋味呢?都有d既.


 

成份都算ok既


 

主要成分都係碳水化合物同糖,都幾高卡架,係咁意食一兩條就好收手啦.




咁我會唔會做回頭客呢?

係會既,買俾親朋好友試下都唔錯吖.

2012年1月25日 星期三

初一最好都係食素

自細到大,我外家初一第一餐飯,都係食素菜既.雖然結婚後未必遵循,但多數我都會預備素菜.

屋企隨手都有十樣八樣素食材料,我通常會取用八款材料就算.今次,我係天星碼頭有機菜檔買咗芥蘭苗:

2012年1月24日 星期二

2012年1月23日 星期一

拉埋天窗過新年

想不到一對新人誤打誤撞,係最倉促既情況底下安排婚禮,都可以撞啱一個嫁娶佳期。

早前爸爸買咗個通勝月曆,我約略揭過,仲打趣咁講:「咦,年廿八宜嫁娶喎,唔知佢地會唔會趕得到呢日行禮呢?」期間太多小插曲及不明朗因素,阿仔又趕住飛,佢地又話要過年前搞掂,令我忐忑咗好一輪.

2012年1月22日 星期日

龍年大吉大利(四)


好啦,要開工啦!



先要預備花盆,填咗油泥先.(都係多得你咋! 唔係我去邊度搵咁多個盆仔呢?)



都未必夠桔仔做咁多盆架.




Tape帶要用八分一厘米咁粗 



紮起黎真係粗,唔識紮呀!





點組合呢?唔曉添!真係要搵人教路至得.



亂咁黎,紮好咗啦,好勉強.





冇泥粉,又搵唔到包草粉,求求其其用d乾草頂住就算.



再打電話問功課,又整過.





好似好少少啦...都係未夠似樣




僧多粥少,都係有咁慳得咁慳,睇下可唔可以盡量插多幾盆.



2012年1月21日 星期六

珍貴的柚皮

同大家傾開計,我話同爸爸冒險買咗個沙田柚返屋企,因為唔知好唔好食丫麻.

嬸嬸聽到,即刻問我個柚食咗未?原來佢想要塊柚皮.可惜我當時冇打算塊皮拎黎煮,亂咁搣爛塊皮開個柚黎食就算.

佢平日對我咁好....週末同爸爸再去街市,就買兩個沙田柚返屋企.


 

2012年1月20日 星期五

龍年大吉大利(三)

經過兩日抽濕,d葉同桔仔都乾到咁上下啦.



因為數量好多,所以油完之後,膊頭同背脊感覺上已經唔再屬於我架啦.



但係望住佢地油潤飽滿既樣,又幾開心既.



其實我個心,一路都冇乜把握架.



到底點先可以組合得靚呢?



咁多枝野,要tape晒佢地?睇怕未完成一半,手指頭都要磨出血啦.



左度右度,都係再上網睇下人地d實圖片先決定啦.



好緊張吖!


龍年大吉大利(三)

經過兩日抽濕,d葉同桔仔都乾到咁上下啦.



因為數量好多,所以油完之後,膊頭同背脊感覺上已經唔再屬於我架啦.



但係望住佢地油潤飽滿既樣,又幾開心既.



其實我個心,一路都冇乜把握架.



到底點先可以組合得靚呢?



咁多枝野,要tape晒佢地?睇怕未完成一半,手指頭都要磨出血啦.



左度右度,都係再上網睇下人地d實圖片先決定啦.



好緊張吖!