龍年大吉大利(五)

既然用傳統方法行唔通，我唯有出術啦！呢樣我最在行．



一於當插花咁玩咯．

咁樣咪好少少咯：

插多幾盆，漸入佳境

起碼以有限既材料，都唔多覺佢疏落．

因為我霸咗好多地方，爸爸開始投訴：你ｄ桔搞幾耐架？

咁人地唔精神麻，邊有心情整吖？

但點都要頂硬上架，唔想咁多日既功夫白費．

開始得得地啦：

距離目標不遠啦

呢盆算係插得好ｄ架啦

低少少角度睇都尚且ｏｋ

擺近個橙度影先：

原本係個利是封度剪咗呢堆福字既，但懶人自有懶人福，拖咗幾日都未貼上花盆．

後尾又俾我搵到呢個利是封喎，真係正晒！

更加搶眼，連Bibi都讚我ｄ福字貼紙靚呀！

襯晒我ｄ花盆仔

一睇就知邊盆係早期插既

睇怕ｄ姨媽姑爹都會收貨架啦

只要我唔俾佢地揀，分別放一盆係佢地手，係冇得比較既情況下，實唔會咋型既．

上年送菜籃俾佢地，有得揀又心大心細，一陣話呢籃粒乜東東靚ｄ，點解呢籃又冇咩咩菜咁．

雖然我都知我做得唔多似，亦冇做圓頭既葉，但盆盆都係花咗好多時間做出黎既．

希望大家收咗之後，家家都大吉大利，一團和氣！



恭喜！恭喜！