2012年4月30日 星期一

香蕉熟得滯?

一打門入屋,就聞到一大陣香蕉味,弊傢伙,四隻蕉一齊熟晒!但我得一把口,點算呢?



記得印度婆婆話,d蕉熟得滯,可以先剝皮,再用保鮮紙包住,放入冰格急凍。咁第日用黎打奶昔、做蛋糕,或者當冰凍果品咁食都得。




咁我就試下啦,用保鮮紙獨立包裝佢地先,再用雙重保鮮袋入好佢,放入冰格。




第二日拎返出黎,真係好ok喎,就咁食,都好好味喎!可能因為香蕉既質感問題啦,正過雪芭喎。




睇黎夏天咁食法都唔錯喎!屋企有小朋友,又唔想佢地食咁多雪條既話,可以考慮下俾呢D冰冰凍香蕉佢地食,起碼都健康d吖。雪硬咗切粒都好易架!

2012年4月27日 星期五

苦樂由人

大家好多時都會遇到D唔係咁愉快既事情,但人總要生活,過後回頭,一切苦惱可能已經微不足道。

2012年4月26日 星期四

2012年4月25日 星期三

幫手看住婆婆?自己玩咋掛!

朋友夫婦有事外出,召我到場與伯母相伴。

到埗,朋友己備妥併貼工具及材料給我解悶。我自備了一點玩具,先試把木鈕扣塗上顏色,效果不俗。



接著用上我的彩麗皮貼紙,忘了要請人預備風筒,只好在半乾狀態下,塗上膠水,再貼上餐紙。用保鮮紙包起,帶回家去。



乾透後,剪去多餘部份,就亮出漂亮的星星貼紙了。



心型的也不賴啊,看到小豬嘜在向你揮手嗎?




屋主送我的車厘子裝飾邊,細小的模樣,很適合做我的迷你東東呢。




勾留了半天,沒為伯母做過點什麼,還要她瞎擔心我沒吃茶點呢。其實,我獨個兒玩玩也很高興啊!

2012年4月24日 星期二

雞翼撈麵餐

呢次係食團購「瑞士咖啡室」原價$62(現在只需$31)招牌瑞士雞翼撈面+餐飲(冷/熱同價)+火腿奄列及牛油多士。現場食果陣,見到餐牌瑞士雞翼撈公仔麵常餐正價只係$45,就算加埋凍飲都係$48,似乎有少少作大。咁依家俾$31有得食,都叫OK平咗既。

佢宣傳話:使用瑞士汁煮的瑞士雞翼,肉滑而細嫩,香甜惹味,牛油多士外層香脆,裡面嫩軟,D牛油仲流緊!好好味!

等我黎話俾大家知對唔對版吖拿。

我地既凍鴛同凍奶茶,不過不失。

2012年4月23日 星期一

美人計

收到呢封郵件,你地估下係咩黎?冇錯!係情信。



你媽咪做得靚唧,唔代表我咁C懶都肯做架麻。。。四片口金喎,要縫多幾條線架喎,即係一個頂兩個咁做架喎。




驚C我賴話唔識,連紙樣同步驟都醒埋我。




趁住有幾日復活節假期,就睇下我肯唔肯郁手整啦。呢set係裡布:




呢set係面布,d人做親四片口金,都會選擇用兩種布去襯既,我就包頂頸,專登唔用兩款布。




我用軟身既棉樸 ,熨完啦,就放埋一邊先啦,要出發去燒野食啦。




第二朝,終於都的起心肝開工,差唔多十一點。




如果又做個光身既,太悶啦。係咁意加D裝飾,釘D花花珠片同珠仔。



吉好布就可以開始縫啦。



縫好一條邊啦,冇對花添!



全部勘埋佢啦。



面布搞掂!



做好面布都個幾鐘啦。



縫底裡布



套入面布入面



吉好佢地,你估用咗幾多時間?



兩粒鐘冇走雞! 咁即係計埋剪紙樣、裁布、熨棉樸既話,點快都唔少得過兩個半鐘。粗略D估計,要縫晒成個包身,再上埋口金框,就算點快手,用我咁細既針部,三、四粒鐘真係走唔甩。



好,晚上再整埋佢,開工:




合體完成



有反口位,御賜裡布一條疤痕。唉~~,蠢!做乜跟指示唧,乜你自己唔識執生架咩?應該裡布唔好留開口位,要開口都係包頂留,咁就零瑕疵啦麻!



又用咗三十五分鐘啦。



配個特別既歪嘴口金框



上好個框啦,你地又估下幾點?



又玩我四十分鐘。



前面



後面,係呀,我兩面都加咗熊仔。



頂部望落去,起碼呢個角度睇,前、後、左、右都係完全對晒花既,真係唯一既安慰黎啦。



呢個包包係好厚既,容量特多架。

不過 ...... 四片口金 ...... no way!打C都唔再整第二個啦!

大家有興趣整既話,記住我既事後檢討:開口位留係口金頂,咁樣鑲完個口金框,就睇唔到駁口位架啦。

2012年4月20日 星期五

2012年4月19日 星期四

Toro Cat

呢隻叫Toro Cat,老實講,我原本同佢唔多熟既。只在報紙中跟佢相會,覺得幾夾眼緣咁唧。


2012年4月18日 星期三

又有禮物收

間唔中就會收到謝禮,真係意想不到。




呢盒東東,我相信係蛋白脆黎。美心既栗子杯底就係有一小塊這個東西的了。




其實我都冇乜做過D咩架咋,點敢當呀?好彩佢係阿仔面前兜口兜面咁送俾我既唧,唔係我偷偷收禮物架。




每次收到呢D小卡都好warm,或者呢D就係D鬼既習慣黎,臨上機前都上黎公司走一趟,又專登去樓下360氹一轉,買盒野送俾我,真係好有心。

好多謝你啊!

2012年4月16日 星期一

Why me




Sammy Davis Jr.,生於1925年,四歲踏入表演行列,跟著爸爸和叔叔四處表演謀生。當年美國對黑人有深深的種族歧視,但在長輩庇蔭下,年少的他一直懵然不知。直至1943年入伍,在軍營中飽受白人同寮的欺凌,才體會現實的殘酷。雖然他晚上被委派表演勞軍,演出屢穫好評,但表演過後,那批曾為他歡呼的白人同寮皆視他為賤民、未肯接受其同等地位。

2012年4月13日 星期五

我和朱古力有個約會- Bouchard Belgian Chocolate

又俾我係超市搵到呢只朱古力!




72%黑古古力喎,比利時出品。仲有好多口味添架,但因為我未試過,唔知佢甜度有幾高,
一陣頂唔順咪弊! 所以我只買咗呢款最穩陣既。



150g一包,有三十粒,即係5g一粒,入面係咁既:



原產地係比利時,都有少少信心架。記住: 朱古力係唔適宜放入雪櫃既,太冷既話,就會破壞佢既品質,咁就唔滑架啦。包裝上有提示,攝氏五度至二十度就最啱啦。所以呢.... 冬天就最多朱古力運黎香港賣既。



認住呢個品牌,下次見到平平地就好入貨咯喎!



呢款Witor's都好味架,新上架就都幾貴下,因為早輪可可豆失收,所以可可豆既期貨都炒貴晒,連帶朱古力產品都貴晒。佢直頭貴過我前年初初食果陣一倍呀!




四十幾蚊又真係太貴麻,過年後,見到超市六十鬆D蚊兩包,即掃兩包。咁啱買上面果款朱古力時,見到佢一系列既產品都半價喎,好似廿一蚊咁上下,得返一包72%有脆餅既,拉上補下,又可以同D同事分享,一個師奶要開心其實好簡單。