兩傻遊圓玄學院

三月仲有半日假多咗出黎，就放埋星期一下晝，同黑咪聚一聚。

先去荃灣中染果邊食個cheap cheap意大利餐，兩個人點咗菠菜煙肉香辣意粉、海藻沙律、一件蒜蓉包、四隻雞中翼、一杯可樂。成為$69咋！

拎住張地圖去搵小巴搭，黎咗呢度遊蕩。



遊人得三幾丁，夠晒清靜。

小涼亭入面既天花都畫滿彩繪。

原來有老爺車展覽，雖然呢架年紀比我少，都好夠資歷架啦。69年車都話老爺喎 .....

呢兩架哥哥呢就大個Ｄ，不過始終覺得係呢度做車展有Ｄ騎哩，唔通見呢度有車位，用得唔好晒？

入過太歲殿八黎，外面有幅百歲圖，黑咪話呢度一定搵唔到Sir Run Run果年，事關佢都過咗１００歲啦。

水池既錦鯉都好大條，如果有得餵魚就好玩啦！

正在做奇石同樹根展，呢塊菊花石就最特別啦。

呢塊叫和平鴿喎，我覺得Ｄ石有少少似交易廣場外面擺果Ｄ既feel。

天仙配？真係藝術品咁款喎（連命名方式都似）

呢塊樹根我仲以為係恐龍添，點知佢叫秃鷹。個頭都幾似既。

呢塊石雕好有故事性，但我對宗教唔多了解，只待緣起。

黑咪裝過入去，藏經閣果然有好多書呢。

龍華樓呢個名，令我想起乳鴿呀，罪過、罪過。係Ｄ咁清靜既地方，我都驚自己講錯野架。

一場黎到，順道遊埋傍邊既西方寺。

門口有親善大使毛毛座鎮，黑咪話即刻要加佢分呀！佢好乖，食蕉阿叔話毛毛已經皈依。聽到我地一頭霧水，原來即係做咗絕育手術。

呢邊既環境果然比較清幽，聞得著桂花的香味。但隔離圓玄學院所栽既桂花，就被香燭味蓋過。

這兒的浮雕造工亦精細，值得欣賞。

雖然我仍未夠道行去欣賞，平靜詳和，有Ｄ區域仲清涼舒爽添架。如果我係度住，一定擔定張ｄｕｎ仔，搵個靚位睇書唧！

這座寶塔，只開放最底一層，算叫做參觀過吧。

在神像前供奉的果品，正有小鳥在啄食，但一俾我見到佢偷食，即閃。行近一睇，嘩！佢真係食架喎，真係食到蘋果心架。

天氣好，陽光普照，又有Ｄ風，真係遊覽既好日子呢！