Happy Birthday to Joey

記唔記得呢粒係乜？花盆黎架！

Hee Hee，其實係椅腳墊黎架．丁丁粒，啱晒我．

呢ｄ係五年前做落既花花．康乃馨同薰衣草，驚唔講你地睇唔出．．．因為只係做得麻麻，果陣人地仲"細"麻！

加埋呢ｄ不成比例既變種巨型碗豆花，就可以開工啦．

預備好花盆先，要加少少草遮醜．

先插主花

再加襯花

叫做熱熱鬧鬧

我唔多曉插花架，只可以睇前面架咋！

媽打，預祝你生日快樂，花藝不斷進步！

甜蜜十八歲 - I love you Bibi.

28/11，眨眼間，Bibi便十八歲了．

印仔１３４ - 桃子手作

又一個有緣人，桃子，佢同我個Bibi同一日生日喎，又咁錫我，點可以唔醒佢呀？

見佢專登返大陸訂造印仔，早ｄ識我咪好咯．．．．

做咩去茶具文物館？

特意放假半天，見證pri的大日子．

禮成後，在香港公園閒逛，步入園內的茶具文物館，才驚覺自己從來都未踏足過此地．

原來正舉行茶具設計得獎作品展呢！

這個珊瑚及海星造型的茶壺，真有點匪夷所思，反而杯子較易看得明．

場內不乏趣味性設計

這條泡泡裙，原來是茶壺來的．

瓦通紙的設計，有紙箱的感覺．

這個集翻熱功能的茶壺，就比較實用了．

在蓋子上玩花巧，把毛蟲的成長記錄都表現出來．

來一碗叉燒飯

再添一碗拉麵

還有甚麼不可能呢？

我觀察過這隻公雞，嘴巴及尾巴都有出口，哪兒才是出水位呢？

悠閒地離開場館，竟見小倆口就在門外附近拍照．我遠遠的偷拍了一張．

照得矇矇矓矓的，顯得新娘子更漂亮啊！

我和老闆的相處之道II - 獎勵員工

Mailing Department既眾位馬省蓆哥哥一向都好幫得手，咁啱呢期東亞卡可以用分換餐券（燒味雙併或者叉燒飯連飲品），用黎慰勞下ｄ兄弟都幾好吖．

就等我渣主意啦，用老闆張信用卡既分去換ｄ返黎啦．

咁請佢地食兩客飯，點都好過請佢地下午茶食件餅既，實際得多啦，你地話係咪？

非一般的咸瘦肉粥 - 冬菰薯仔咸瘦肉粥

依家既晚餐，成日都要轉下口味，Bibi又冇乜飯癮，湯飯又食過啦，咪煮下粥咯．

今次，我開咗係美食節買既冬菰，浸出黎幾大隻呀，又厚身．（都幾爽架，又夠香，用黎蒸肉餅，仲正！）

烏冬/拉麵 - 乜價錢爭咁遠既?

16/11，冇幾可出荃灣公幹，做完野，帶同事去荃灣廣場間甘味食烏冬．

三個人，兩個燒雞扒烏冬，一個豚肉烏冬

加$8要咗碗蕃茄野菜，$11要咗兩件壽司，一人一杯柚子蜜，成為一百五十幾．

第二日放假係秋田食拉麵，兩人都係雞扒拉麵

加三件壽司

連兩杯熱檸水，成為$63

兩餐除開每人差廿蚊，真係街坊價，冇得比！

小物 - 紙盒

係TAMA既網誌（http://hk.myblog.yahoo.com/tamatamatama-blog/article?mid=4158）內見到這個小盒子：

貪玩也來做一個，打印後，用封箱膠紙貼上面，再剪出來

摺疊好，用雙面膠紙粘口

一會兒就做好這個小盒子了

男士們，要取悅女朋友，自製一個小盒子，放入小物，給她一個驚喜，絕對值得架！

唉～～我咁識氹女仔，如果我係男仔就好啦！

印仔１３３ － 花前月下

又一個文字章, 問你怕未!

九巴新制服

九巴今年全線換制服，雖然制服早就到手，爸爸郤無緣迎接這歷史時刻，因為他闖不過半年試用期這一關．

跟從前的杏色+灰+紅色大不同，主色由杏色改為青綠色．

為安全計，跟舊制服一樣，全部胸前都加了反光條．當然啦，每件制服都配備溫馨提示，教大家別燙溶這條安全線啊！

縱使有點遺憾，還是要將所有制服交還，他的失落，我絕對可以理解．

作為這個家的支柱，我唯有再次一手撐起整個天空啦！

爸爸，你整定做我御用柴可夫架啦！