兩個人食既晚餐，話難唔難．我咁鬼懶，實搵到藉口去煮ｄ簡單野糊混過去既．
最近買咗個新既21cm不粘底有少少高度既煎pan，有幾高？座底有7cm掛？用黎煮湯飯，咪可以原煲上檯咯，正呀！
材料：瘦肉碎（用生抽，鹽，糖調味，再加少少鷹粟粉），冷飯，粟米粒，青瓜一條切粒，薑片（乜你又落ｄ咁野架？是但啦，我係得呢ｄ咋喎．）
其實：最主要係我懶！青瓜呢ｄ菜蔬易處理麻！你話啦，係咪快靚正過去洗白菜仔吖？
用少少油爆下薑片，炒熟肉碎，加碗半熱水（快吖麻），加冷飯，隨手係冰格攞ｄ粟米放入去，滾起，肉都熟晒啦．
呢個時候，出絕招：加咗少少大地魚粉，胡椒粉同埋鹽，再加青瓜粒，再滾起，食得！
嗄？你冇大地魚粉？都唔緊要既，ｄ肉都有味架啦，淨加胡椒粉同鹽，都好好味架啦．
簡單快趣，睇下，仲冇乜油添架，一陣就煮好啦，又高纖，咁就完成呢晚既任務咯！
沒有留言:
張貼留言