2011年4月30日 星期六

沐浴露


Biore出既沐浴露,係爸爸既至愛,因為泡泡又多,過水容易.


唔知點解近年難買咗,而且價錢亦高咗好多,依家真係樣樣都貴晒.


見佢換咗新包裝,仲係蘋果味添!夠清新,試用價$9.9,除開仲平過買枝大既,整返枝試下先!


2011年4月29日 星期五

紫蝴蝶再次開花了

呢盆無啦啦出現既紫蝴蝶,生得好鬼快,出咗兩塊葉唧,就學人出花喎!


真係唔睇真d,仲以為係第三塊葉黎.



一日就長高兩寸,所以好快就好高啦.



上一盆花,一枝只有三朵,今次竟然有四粒花蕾.



高企幾日,第二朝就打橫生啦.



過多一日,最大果粒好似差唔多開得啦.



食晏果陣都開開地啦.



一路等,佢都一路開少少.



搞錯呀?我放工咯喎.



你咁叫做對得我住架拿?



咁好啦,第二日係星期六,俾多次機會你.



第二朝返到黎,見佢剛剛訓醒咁,等到一點放工啦,只開咗一半,有辦法啦,約咗人,又要閃啦.



星期一返到公司,算佢啦,等埋我.



睇住佢一路開,連d妹妹都有動靜啦.



終於開晒,都幾靚下.



齊人四姊妹



大家姐開過後,三個小妹相繼開放




到了復活節前夕,三妹亦開盡,留下小妹自己過復活節了.



號外呀!又有一菖花走黎啦!



2011年4月27日 星期三

高木直子漫畫

我一向睇書都好雜,今次我就借咗兩本日本漫畫 - 我的30分媽媽同一個人去旅行.



呢本係講作者童年時,媽媽怎樣由一個家庭主婦轉型為一個推銷化妝品的職業女性及她在托兒院的事宜.



呢一本呢,就係講卅歲仍單身既作者,種種單身遊歷日本各地的見聞.


兩本書都係漫畫黎,雖然線條簡單,但佢畫到d場面都幾搞笑.


輕輕鬆鬆,一晚休閒時光就可以看完一本,是減壓的好選擇.



原來佢都出咗唔少書架,等我下次再去搵黎睇先!


2011年4月26日 星期二

印仔156 - Mandy的名字章

Mandy為長者及康齡中心盡心盡力,是時候為她送上獎賞了!


為愛書畫的她作一個篆刻章就最適合不過了.



2011年4月25日 星期一

復活節點會唔開心架

朋友送我復活節小禮物



色彩鮮艷復活蛋,正好應節.



單單瞧著外盒包裝,也教人歡喜了.



裏面還放了一隻和風小兔子朱古力.



相信我也可以做出來呢!


一浪接一浪,又收到小黑咪的禮物.



是蝴蝶採花蜜呢!



一看就知是用咳吐不整既東東



咦!聰明得佢吖!原來是Post-it Note黎架!



俾個Good你呀!


 


2011年4月24日 星期日

第二屆香港食品嘉年華

天陰陰,都驚落雨架,但我地心諗:涼涼地都幾好吖,可能仲少d人添.


於是一家三口就出發去太子啦.多唔多人?又唔算認真多既,起碼行到,睇到野,又買到野,未算逼咁啦.


場地唔大,要行返轉頭都好易,今次盡量只買輕野,呢兩大杯果凍比較特別,我係行晒全場,臨走先去買既.$25兩杯,每杯有14小杯果凍,木瓜牛奶果款正d,反而珍珠奶茶麻麻,早知就揀芒果爽好過啦.



呢隻冷凍收乾士多啤梨,我每次去親食品展都買既,貪佢夠輕吖麻.但家陣樣樣都貴晒,十蚊包我都照買啦.



呢樣就夠特別啦,日本粉絲,雖然有得試食,但$12兩包,買黎買下都好吖,十小去粉絲加十小包脫水蔬菜,可以沖熱水焗架喎.



紫菜,$25份.



連呢d都加晒價啦,要廿八蚊先有三包.



明愛既攤位賣曲奇,係咁意都買返包啦.跟住又買埋芒果pancake,就地正法.



好開心,食到熱辣辣胡椒餅,$12.Bibi想食泡芙,但賣晒.爸爸就食咗兩兜高師父既咖哩魚蛋.


爸爸自己行開買既花生.



廿蚊七樣既Edo,我地要咗五盒百力枝同兩包薯片,有一包千島沙律醬味,係街食咗啦.



趁假期,Bibi又考完試,好應該同佢去多d街既.


2011年4月23日 星期六

為你身心上一課 - 極速一人前

甚少應允出外授課,今回破例,到一女孩家上課.對我來說,輕而易舉,就當帶著Bibi做家事一樣吧.


因對方是獨居的,所以主攻一人前菜式.


找了一個星期六,待我下班後,一起吃點東西,再買了少許食材,就開始上課了.


第一味是冬菰蒸肉餅,小小一碟,讓她親自體驗過程,教過要點,就留待她翌日才蒸吧.(成本八元)



用一只蛋及三分一個薯仔炒出來的薯絲炒蛋,簡單易做又可口.(成本三元)



用少許肉碎及一隻焗薯做出來的焗薯蓉,不油不膩,香氣撲鼻,黑椒末應記一功.(成本三元)



白汁肉碎煙肉粟米青豆燴薯粒,早就預備了一煲飯,掏了一匙飯讓她試吃,一入口,女兒家就開始笑了.(成本十元)



鮮茄肉碎,伴飯或意粉俱佳.(成本六元)



乾蔥炆雞翼,只要生抽及糖調味就足夠了.(成本十元)



一人前炒烏冬,成本只要五元!



為何這麼多菜式都有肉碎呢?因為要經濟方便麻.上例七款菜式,五款合共用了半磅急凍免治豬肉,只花了十元!


一人飯餐,不一定難煮,要變變口味,亦很容易.經濟實惠,就算下班回家累了,也不用太花精神就可以應付一餐.


最後,吩咐她參照我網誌內的食譜(搖控清補涼),翌日獨個兒煲一個清補涼湯,就完成了一個七菜一湯的八寶菜譜烹飪課程了.


2011年4月22日 星期五

輕盈曲奇 - Torte Cookies

同事請我食呢款曲奇,叫我件件都試下.



一打開,都幾正咁喎!



我全部都食過,真係幾好味喎!


最重要既係...食咗係冇罪惡感架!一d都唔油,清清爽爽,又唔太甜.


值得推介!