在超市的台灣部，買了這個：
刀削麵，在我心中，一直沒多大好感．
樣子不討好，價錢亦不便宜，一包七個麵餅，價錢除開要兩塊多一個．
就算發起，兩三箸包管吃得完．
今次除了主角刀削麵之外，還有：
肉碎
娃娃菜（洗淨，橫切一厘米粗條）
薯仔（切粒烚至半腍）
日式咖哩調味磚
步驟：
先用少少油炒下早已調好味的肉碎（嗄？你唔知點調味？快ｄ去網誌分類"食譜共享"度，睇返早期既示範．）
倒入娃娃菜
兜炒一下（一下即係一陣，唔係真係一下就收工喎！）
連埋ｄ烚薯仔既水倒入鑊．
加入兩塊咖哩磚
呢個時候淥麵就差唔多啦，滾水放麵，揚開咗個麵，可以加蓋收火，俾佢焗一陣，再開蓋睇下夠腍味．又或者一路開蓋，煮到夠腍為止，咁都要幾分鐘架．
麵質既野，好因個人口味而異．我就較為喜歡彈牙ｄ既．但點都要煮透先得架．
好快呢煲咖哩就杰撻撻架啦，可以試味．但我就覺得應該放少少鹽既，事關ｄ麵係淡架麻．
撈起ｄ麵置於碟上，淋上咖哩就得啦．
對唔住，俾唔到個靚樣大家睇添！事關有人急不及待就撈ｄ麵黎食，想賣相好ｄ都唔得啦！
其實呢個餸用黎淋係飯面都得架，菜多過肉，都幾好既．
好唔好食？我係先煮咗俾大小不良食先再煮自己果份既．
Bibi食完自己果份，到我開始食果陣，佢話仲要添，咁即係ｏｋ啦．
沒有留言:
張貼留言