利賓納

利賓納都出薄荷糖？呢個品牌伴著我成長，所以點都要捧下場架啦．

我買咗檸檬味同黑加侖子味，其實我都知佢大約係咩味既，但都要買黎證實一下．

睇下生產日期，就知佢地係新登場既，只係我一路都冇買唧．

立即開黎試下，先食檸檬味．

係冇色既，入口呢．．．．比Airway好得多，起碼唔會脷都痺埋．

嬸嬸食完：佢地都唔係一家人黎既！（即係一ｄ利賓納feel都冇．）

好好好．．．我即刻開埋另一筒，黑加侖子味咯，仲唔係一家人？

呢個味呢，就親切多啦．唔會太甜，如果你喜歡薄荷糖的話，可以買黎試下．

食糖唔應該係受苦既，好似漁夫之寶果類薄荷糖呢．．．千其咪預我！