聽個名都夠繞口哩！
冇錯，我差唔多講晒ｄ材料出黎架啦．
材料：
淡忌廉
想好味ｄ，就放埋忌廉磚．呵呵，如果兩樣都落，都幾貴下．
肉粒，用生抽，糖，鹽調味，再加少少粟粉拌勻
菠菜洗好，切碎
煙肉，一疊咁買返黎，切一部份出黎用就得啦．
順手切碎佢啦
薯仔切粒，爸爸又搞成咁，仲同我蒸熟咗添！是但啦．
召Bibi入黎示範：先用少許油爆煙肉，等肥肉部份出晒油，就盛起備用，留低ｄ油係鑊度，就可以繼續煮啦．
Bibi：ｄ咁簡單野，做咩影相呀？要黎做示範呀？
嗄！你依家有人預備好晒材料，又有我大大個棟係度，就梗係易啦．到你要自己買料，洗洗切切果陣，就要黎呢度睇真ｄ架啦．
爆炒肉粒，做咩唔放薑呀，蒜呀去爆既？咁唔放都得既，肉新鮮既話，煮出黎既野都一樣好味架．
炒到肉轉色就放埋ｄ腍咗既薯粒入去．
加水，再加兩塊白汁磚．
滾起就加菠菜
然後加淡忌廉，差唔多夠味架啦．但都可以隨你個人喜好放少少鹽同胡椒粉既．
大滾之後，放回煙肉碎．如果汁夠杰身就可以上檯啦．若否，就打少少獻啦．
呢盒就係Bibi放Study Leave既午餐啦．
既然Bibi都煮到咯，又點會難倒你地呢？
沒有留言:
張貼留言