天晴

早輪真係唔敢唔帶遮呀．

明明出門口果陣藍天白雲，遠山都清朗非常架．

拿，又曬到死，呢ｄ相，全部都係我早上七點鬆ｄ係平台影既．

個天都藍得好靚架

但轉個頭咋，又風雲變色啦．

到咗中環仲好大雨添！

所以手袋長備縮骨遮一把，但我就唔係幾明，點解帶大手袋既女士，都成日唔帶遮既呢？

紫蝴蝶開花了

我盆紫蝴蝶，終於都出花啦，三星期先出一塊葉，出完三塊葉，就開始出花蕾啦．

星期一返到公司見到佢出咗世喎，真係開心呀！

四日之麻，花蕾開始熟，粉紅色既花瓣都伸埋出黎．

去到下晝，枝花蕾生到葉頂咁高啦，都咪話佢唔厲害呀！

過多兩天，花瓣的顏色漸現

諗住佢第日會開啦，點知仲未．

擺多日，都仍未開花，

痴痴地等，

到下午四點半，都只係半開

今日都係趕唔切架啦．．．

第二朝返黎，氣色好得多啦，連兩個阿妹，都抬高頭啦．

這是食晏時的狀態．

到咗第二朝，大家姐睇怕已經唔會再出場，而兩個妹妹就蠢蠢欲動．

睇住佢慢慢咁開

嗄？你地咁算叫開晒架拿？

再多一日，大家姐凋零啦，兩個妹妹點呢？

哎吔，佢地仲開多次花花俾我睇呀！

咁你地都好對得我住啦，多謝你地既努力呀！

TEAC迷你家庭影院

家中的Hi-Fi已用了十多年，開始間竭性失靈，連收音機也聽不到了．

一拖再拖，終於花了數百塊買了這套小音響．

我對音響組合，一竅不通，而且沒有要求，正如手機一樣，可以通話便可．所以，我只要有收音機及播放CD功能便可．

時代進步，數百元的消費，已集多種功能，可以用來觀賞DVD，又可以讀SD卡及USB，十分方便．

問題來了，誰負責裝配呢？

爸爸要上班，我唯有硬著頭皮動手啦．

花了一輪功夫，終於弄妥，也真不賴啊！

當年一套Hi-Fi數千元，如今數百，就有如此質素，真是便宜得無話可說．

Sweet Sweet的感覺 XXXVII - Aiya Bro

呢個蛋糕，整好咗好耐架啦．我覺得最適合都係送俾我呢個Aiya Bro！舊年想送俾佢架啦，但又好似識咗冇耐，咁就留返出年啦.

Paddington Bear

早就知七仔有熊仔換啦，但一路都冇諗過話換．

都唔知要幾多粒印花先換到，手頭有十多粒印花．爸爸話：七粒加十五蚊就換到咯喎，我送隻俾你啦．

要加錢，唔制！我又唔係熊仔迷，又唔等住要，又唔恨．

後尾發現只要十四粒就換到，我銀包有十三粒，加埋爸爸手上果粒，剛剛夠數，第日就換咗隻返黎．

呢隻係巴黎版，印象派喎．咁花雞乸，唔多適合我喎．

似乎祼跑仲好睇ｄ喎．．．

佢手工麻麻，連腳板都做得求其，大細超得緊要，鼻又有ｄ歪，或者等漢堡神偷退役果陣，我會同佢設計過另一件靚衫都未定．

暫時都係去冷宮度抖抖先啦．

天天吃水果

我是一個另類的阿四，在可能情況下，會照顧埋老闆的身心健康．

老闆已經是長者級人士，醫生說他的腸臟比常人長，應多吃高纖食物，保持腸臟健康．

所以，他要上班的日子，我必然安排他的吃水果時間．就像對自己的孩子一樣，為免他的髒手直接沾到食物（外藉人士通常愛用手直接拿取食物），我會把水果切好，再給他一隻叉子．

其他同事會問：為什麼你對老闆這麼好？

大家有所不知啦，只要他身心健康，心情愉快，最終得益的，始終都是我這個當他代母的阿四呢！

 

我和朱古力有個約會IX - 又係72

在美食博覽購入的貨色，卅十元兩罐．

我選了杏仁脆米及這罐72%純巧克力.

打開罐子，有一張獨立包裝的說明書．

不懂看韓文，但感覺印刷相當認真．

罐內是小方塊的巧克力，在鎂光燈下，顏色略淺

其實它是這樣深色的

一罐有９６克，食味不俗，沒有同品牌紙盒包裝的弊病，甜度適中進食後口腔不會有帶酸的感覺．

以這樣的包裝，價錢，相當不錯，是Ｂ＋級數的產品呢！

 

印仔１２２ － 區婉珊，李凱婷

講起就神奇啦，識咗廿幾年，叫做知你叫咩中文名啦，但係原來實在點寫法，好似冇乜印象見過喎．

逐個老死打去問，你地記唔記得乜乜個區字有冇欠架？咁珊字係王定係女部呀？

整錯咗，好樣衰架麻！又冇理由問當事人架．．．

出到最後一招，查人事部姓名記錄啦！

終於找到答案，係你啦！

Sweet Sweet的感覺 XXXVIII - Thank you for the Moon Cakes

呢個蛋糕呢，係整黎回禮俾送我鵝肝月餅既媽咪既．

世上最小的剪刀

今日同事送我這東西。

是迷你剪刀來的！

相當可愛，而且還配備套子，確保安全。

我嘗試用來剪紙，亦算暢順。

它自稱是世上最小的剪刀，所言非虛。

我有一套隨身工具，亦內藏一把小剪刀，可也沒它細小呢！

這一片卡片大小的工具套裝，跟隨我出出入入多年．

除剪刀外，還有小刀、指甲銼／螺絲起子、牙籤（誰會拿來用？）、小鑷子、鉛子筆（真神奇，十多年了，如今還可以寫出字來）。

盒子本身還是間尺來的，可算麻雀雖小，五臟俱全啊！