一個被囡囡譏為盞搞的業餘手作媽媽，機緣下踏上書籍修復的成長路。 Learning book conservation and restoration step by step, it's a long way to go.
早就知七仔有熊仔換啦，但一路都冇諗過話換．
都唔知要幾多粒印花先換到，手頭有十多粒印花．爸爸話：七粒加十五蚊就換到咯喎，我送隻俾你啦．
要加錢，唔制！我又唔係熊仔迷，又唔等住要，又唔恨．
後尾發現只要十四粒就換到，我銀包有十三粒，加埋爸爸手上果粒，剛剛夠數，第日就換咗隻返黎．
呢隻係巴黎版，印象派喎．咁花雞乸，唔多適合我喎．
似乎祼跑仲好睇ｄ喎．．．
佢手工麻麻，連腳板都做得求其，大細超得緊要，鼻又有ｄ歪，或者等漢堡神偷退役果陣，我會同佢設計過另一件靚衫都未定．
暫時都係去冷宮度抖抖先啦．
沒有留言:
張貼留言