Sweet Sweet的感覺 XXXVIII - Thank you for the Moon Cakes

呢個蛋糕呢，係整黎回禮俾送我鵝肝月餅既媽咪既．

雲石紋朱古力慕司蛋糕，配香檳玫瑰及鮮檸片，加朱古力圈及忌廉波波．

原本忌廉波波既位置，我係放咗珍珠架，但始終覺得同我一向既作風格格不入，過唔到自己果關呀．．．　所以，最終都係抽起咗．

唔係好清楚對方既喜好，做咗三個蛋糕先揀咗呢個出黎，貪佢夠熱鬧．

同Bibi商量過，要講手工，當然係我既獨一無二士多啤梨殺食啦．但玫瑰係大部份女士既心水，而且市面做到咁細既玫瑰實在唔多見，佢有佢既賣點既．

至於呢盒鵝肝月餅呢，竟然有人派到專人送黎我度．

咁我呢個路盲就唔駛盲中中，四維搵啦．

個紙抽都好靚，估唔到咁大個．

個盒仲勁，係一對通花既中式門

打開，有一打咁多，我仲以為係八個庄既添．

獨立包裝

每個既面都有個"鵝"字形

仲係暖暖地咁喎，梗係要趁新鮮，試返個啦．

切開，就見到奶皇同鵝肝啦，味道呢．．．

皮十分薄，唔算甜，亦都唔漏，ＯＫ既．

話未食住就要冷藏，咁如果我一二三分晒俾大家食，咁唔駛雪住佢咯！