天氣咁乾燥，就算單身人士都應該煲下簡單湯水潤下啦！
見超市$8.8有八隻雪梨，就介紹大家煲雪梨湯啦．
嗄～？咁簡單既野，駛鬼你教咩？我依家慢慢係度放定ｄ簡單食譜，第日就係Bibi讀U住Hall既救生圈啦！做人阿媽係咁架啦，你地忍下啦．．．咪當我呃你地一篇blog咯．
我用咗五隻雪梨，洗淨，切開，去蒂去芯．記住：唔可以孤寒架，去芯要去得徹底，如果留低少少有酸味既芯一齊煲，煲出黎既湯就冇咁好味架啦！
果皮一角，浸軟刮去內層的囊．
四粒蜜棗，四粒無花果（唔鍾意咁甜咪落少ｄ咯，有外感既人，就咪放無花果咯喎），一堆仔南北杏，沖洗備用．
放凍水入煲，將所有材料放晒入去，大火滾起，轉中火，煲一個至個半鐘，飲得！
清甜滋潤，老幼咸宜．
沒有留言:
張貼留言