Toro Cat

呢隻叫Toro Cat，老實講，我原本同佢唔多熟既。只在報紙中跟佢相會，覺得幾夾眼緣咁唧。

睇佢個款，D線條又幾簡單，最正既係：佢本身就係白色既，完全符合我慳家既原則，唔駛油吖麻。




咁好啦，就做個套色章玩下。

因為冇淺黃色，又冇淡粉紅色係度，是但用住先啦。

得一個啡色印台，都好啦。

係咁架咩？好似唔多順眼咁既？

印到淡咗色，好似好Ｄ咯喎。

好，交差！

上載晒Ｄ相，打blog啦。喂喂喂。。。老友，真係有Ｄ唔妥哩。。。

係咩？邊度呀？

面豬登點會去到咁高架？

你咪咁Ｃ懶啦，上網睇清楚人地個貓樣得唔得架唧？

哎吔。。。。原來要咁吸先至啱架！




家陣順眼晒，印多次我就掌握到位置啦。我相信，只要換返粉色印台，佢一定可以靚D既。



一不做，二不休，等我立即印幾張用環保紙裁出黎既卡仔先！

米黃色既底紙，印出黎，零失敗，總算襯得起咁深既黃色同粉紅色吖。