燙傷救星

有日係茶房叮完野，拎個飯盒果陣斜咗，俾D湯淥親手。當時茶房好多人，冇人知我出咗事。有人叫我，我只係好從容咁叫佢陣，放低盒野，隻眼瞄一瞄個葯箱，一路係水喉下沖水降溫，一路話：乜個葯箱冇可以搽燙傷既葯膏架？

大家七咀八舌：係啦，你都唔係第一個提出呢個問題架啦。

好彩，我隔離位有呎枝好野係度：

特效燙火膏，有次嬸嬸係屋企淥親，二級燒傷，醫生都係開呢隻膏俾佢既．

用葯都要睇清楚，有先天性６－磷酸葡萄糖脫氫霉缺乏症既人同埋快將生ｂｂ既孕婦及初生嬰兒都唔適合用既．

盒上話有咩１％Silver sulfadiazine，咩黎架？

Silver sulfadiazine (INN, or silvadene) is a topical sulfonamide antibacterial used as a topical burn cream on burns, including chemical burns. It prevents the growth of a wide array of bacteria, as well as yeast, on the damaged skin.

我搽咗一大pad係燙傷部位，其實當時好鬼痛：



過咗大概一個鐘之後，已經冇咁痛啦。洗洗手，再搽返薄薄一層，皮膚亦冇咁浮。呢個創口係有兩厘米咁上下長既。

到咗傍晚，好明顯見到個泡影，如果拎野唔小心刮到係會痛既，若只係我自己用其他手指摸下佢，就唔痛既，按落去有少少痺既感覺。

第二朝洗頭果陣就一就啦，乾咗之後變成咁，唔講都冇人知，我冇再搽葯膏。去到下午，差唔多冇事咁啦。

就等新皮成形啦，由得燙傷部份自動脫落，睇怕都要十日八日先得架。

咁呢枝葯膏幾錢呢? 卅幾蚊架咋，放枝係屋企看門口都好吖。