又俾我係超市搵到呢只朱古力!
72%黑古古力喎，比利時出品。仲有好多口味添架，但因為我未試過，唔知佢甜度有幾高，
一陣頂唔順咪弊! 所以我只買咗呢款最穩陣既。
150g一包，有三十粒，即係5g一粒，入面係咁既:
原產地係比利時，都有少少信心架。記住: 朱古力係唔適宜放入雪櫃既，太冷既話，就會破壞佢既品質，咁就唔滑架啦。包裝上有提示，攝氏五度至二十度就最啱啦。所以呢.... 冬天就最多朱古力運黎香港賣既。
認住呢個品牌，下次見到平平地就好入貨咯喎!
呢款Witor's都好味架，新上架就都幾貴下，因為早輪可可豆失收，所以可可豆既期貨都炒貴晒，連帶朱古力產品都貴晒。佢直頭貴過我前年初初食果陣一倍呀!
四十幾蚊又真係太貴麻，過年後，見到超市六十鬆D蚊兩包，即掃兩包。咁啱買上面果款朱古力時，見到佢一系列既產品都半價喎，好似廿一蚊咁上下，得返一包72%有脆餅既，拉上補下，又可以同D同事分享，一個師奶要開心其實好簡單。
多謝分享.
回覆刪除[版主回覆04/13/2012 08:54:06]
食朱古力會好滯, 同人分享就大家都好happy
回覆刪除[版主回覆04/13/2012 15:37:43]我一日都只會食一粒, 唔會滯既. 分俾大家, 人人都開心, 唔食都睇得!
我都喜歡食黑朱古力！
回覆刪除[版主回覆04/13/2012 20:16:35]我比較喜歡85%兼少甜既.
邊度有？佳佳嗎？
回覆刪除[版主回覆04/13/2012 20:16:05]賣晒啦, 年尾冬天請早啦.
食dark朱古力唔怕肥, 一日一粒都ok!!!!!
回覆刪除[版主回覆04/14/2012 21:35:53]配給唔多, 反而更滋味.
日日約咗佢^^
回覆刪除[版主回覆04/14/2012 21:36:26]朱古力係令人心情愉快既食物黎, 食少少無妨架.
原來唔好放雪櫃架咩……我每次開咗未食晒都放入雪櫃架！
回覆刪除[版主回覆04/15/2012 08:18:32]朱古力室溫十零度就最好狀態既, 放咗入雪櫃, 四度C喎, 太低溫會影響佢既質感, 冇咁好味架. 除非你係好似Royce果D忌廉朱古力, 要指定放入雪櫃啦.
好味!
回覆刪除[版主回覆04/15/2012 09:06:27]
我也很喜歡食這款朱古力，我是在日本買的。請問香港那裏可買到呢？
回覆刪除[版主回覆04/29/2013 19:16:07]Taste咯，但價錢就冇咁平啦。有樣野你要注意，香港既春夏，潮濕又熱，唔適合朱古力既儲存，所以好多店只會秋冬先入貨架。