團購手工班

大家睇口金睇到厭咯可？俾你地轉下口味啦！

某日，在網上發現呢個團購班，＄８８玩三粒鐘，睇睇地圖，似乎我都有能力摸到去喎．一於問下大家有冇興趣陪我一齊玩，最少四個人就開得成班架啦，一拍即合．

因為我地已經遲到，所以就唔好意思拎相機出黎慢慢玩啦．搓到咁上下先開始影．呢ｄ大中細既長條就係我既架啦．



雖然導師會提供一ｄ配件俾我地，但我就帶咗私伙髮夾去玩．

睇下：原本條柱體係咁大碌架，之後再搓幼佢先合併，就變成呢粒好似布包鈕咁既野啦．

未玩過軟陶，所以都唔知可以整ｄ咩？我仲帶咗戒指同木衫夾去試添．

天氣乾燥，冇搽潤手霜添，影衰隻戒指啦．

呢ｄ蝴蝶仔，用黎做戒指係咪幾靚呢？

話就話焗完會自己粘住，但我就唔多放心，都係返屋企再用ｄ膠粘實ｄ先．

呢隻係Candy姐姐贊助我既軟陶片做既．

一時間叫我選色，都唔知揀咩好，所以我只係選咗紫，黃，粉綠，紅同橙，想對比強ｄ，但綠色唔夠搶．

第二隻試做既係煲呔髮夾

冇乜時間啦，要入爐啦，速速趕多對花花吊飾先：

加埋耳勾，就變成一對幾色彩繽紛既耳環啦．

都想試戴去無名指架，但太鬆，只勉強戴到中指．



仲有材料剩，可以返屋企再玩過．