我們的cheap cheap雞聖誕大餐

原本都唔知新墟果頭開咗間咁野，為咗等Bibi由沙田過黎同我地會合，買完蒸架四維遊，先發現雅都商場上面開咗呢間意大利餐廳分店，就即管試下啦．

 

餐湯如果加迷你沙律就$18，單叫湯，就$9．反正都會另叫沙律，所以我地就咁咗周打海鮮湯．味道ｏｋ既，但份量太少，大可以不飲湯．要多ｄ前菜好過．

 

我地點咗水牛芝士伴蕃茄$16

 

海草沙律$19，食物同相既分係.... 呢碟d海草仲有堆d.

 

雜菌意大利飯$24

 

墨魚汁意大利粉$26，麵質夠彈牙，啱我．

 

芝士燒雞扒$32

 

三客雪糕@$12

 

唔駛加一，埋單只係$171，經抵食．

其實佢仲有好多前菜小吃架，好適合人少少去食既．

 

四條辣肉腸＋四片薯角都只係$16咋！

沙律最貴都只係$24，食得過吖．

 

三款湯可以選，要食法包就加$9

 

前菜都好平 

 

Pizza廿零卅蚊有交易

 

焗飯，焗長通粉同意粉都係廿幾

 

 

想做食肉獸咩？俾多少少就得啦．

 

甜品款式唔多，但大家就算要叫，都只係食呢ｄ既唧



竟然有埋酒飲，咁ｄ鍾意嗒返杯既爹地媽咪都可以飲下啦．另有任飲既Drink Bar 每人 $12．咁低消費，仲唔係年青人既飯堂？

呢度要等位，我地六點零去到，都等咗半粒鐘．５人或以上就要過半數人入席先可以攞檯架，話就話入席計只可以坐個半鐘，但佢上菜速度超快，係名符其實既快餐黎，大部份人食半個鐘都可以埋單啦．真係貨如輪轉，客似雲來．我地呢，食完再慢慢叫甜品，都唔駛一粒鐘都閃啦.

記住啦，叫野食唔駛大貪架，食完唔夠，仲可以追加，咋一聲又上菜架啦．