星期日，同爸爸黎咗呢度：
我地由通菜街尾行到街頭先到，原來如果我地選另一路線，出咗地鐵，幾步路就到．
我地由通菜街尾行到街頭先到，原來如果我地選另一路線，出咗地鐵，幾步路就到．
我地食咗團購$138二人半自助餐．
四款小吃，雖然任點任食，為免浪費食物，我地只再叫春卷同燒汁鎗魚．
主菜我地選咗鐵板神戶牛柳，細細塊鐵板，熱辣新鮮．又要咗炒飯，味道相當標準，亦不油膩．
我地飲咗味噌昆布湯，不咸，好！奶茶出夫意外地合格，柚子茶甜度剛好，亦夠滾熱．
我地原本都唔算太餓，所以冇亂點食物，而我亦不主張吃得太飽，所以甜品的果凍亦只要了一客試試就算．又估佢唔到，幾ｏｋ喎！
整體來說，食物調味適中，在嚴寒天氣下溫度亦夠，可以再訪．
睇過餐牌，午餐約三十多元有交易，我亦到有二人進餐，點了一客午餐，再以優惠價點了五份＄６兩年的小吃．另外亦有$148的二人餐，就算要加一，平日跟吃素的朋友來亦不錯啊！
點解會有牛柳?
回覆刪除[版主回覆12/13/2011 10:15:51]素食黎架咋, 但都幾好味.
嚴寒天氣下吃素 5系幾好禾
回覆刪除[版主回覆12/13/2011 12:57:49]都冇乜所謂, 入面暖笠笠架.
呢個buffet的嘢食超正又抵呀!
回覆刪除[欣欣媽媽回覆12/13/2011 13:57:31]明白,唔該晒你講俾我知.
[版主回覆12/13/2011 12:58:27]原來平日問佢攞coupon都得架, 一樣可以食呢個餐, 但要預約.
ee....... 又多個好去處......!!!!!
回覆刪除[版主回覆12/13/2011 14:31:31]平平地, 呢度都唔錯架啦.
好介紹啊! 要試吓喇!
回覆刪除[版主回覆12/14/2011 08:50:59]去啦, 間店細細地, 但以咁既價錢, 食得過架啦.
久唔久食吓素都幾好喎，近近地，唔使去咁遠。
回覆刪除[版主回覆12/16/2011 09:19:16]同大人撐下檯腳, 都唔錯架.
近排好想食素，睇嚟唔錯呢！
回覆刪除[版主回覆12/21/2011 20:49:15]咁去試下啦, 可以打電話去問下人地, 俾唔俾coupon你地用. 下午多數都得, 但夜晚呢, 就要預先拎咗, 再預約先得架.
有coupon會有discount? 係唔係唔駛幫襯都可以拎架？因為我想夜晚去食，下午可以經過拎定先...
回覆刪除[版主回覆12/21/2011 21:24:41]咁你就照卡片個電話打去問咗先啦. 你可以問: 二人自助餐既coupon係咪仲有呀?