夜讀

一到秋冬，放工時段就會天黑架啦．我又習慣係出出入入睇書過日晨，而我坐開果款村巴既燈光又太暗，實在太唔方便．

所以就吩咐爸爸同我去鴨寮街搵料啦，呢一枝燈比較輕巧．

夾係本書度，係照得好清楚既．

佢係用呢款電池既．

仲有呢款，平好多，只要廿五蚊，好似巨型觸角咁款既：

一共有四盞燈仔，可以獨立開著佢既．即係想幾光有幾光．



但佢衰在個夾大咗少少，條觸鬚又長咗少少，冇咁輕巧．



佢係用三粒細電芯既，會唔會大食呢？

但佢就一個有最大既優點．

原來佢仲配埋條USB線俾你架，即係插住電腦或者加火牛，冇入電芯都用到．

全靠佢地，我呢個星期先睇晒呢幾本書咋！