偷得淨生半日閒

五點幾就醒啦, 兩老起身去蝴蝶村食粥, 跟住行出碼頭睇日出, 又行路去市中心. 係吉之島超市買下野, 九點幾又食第二輪早餐, 去KFC隊杯奶茶, 整份多士, 再去圖書館蒲下, 返到屋企都只係十一點, 去埋百佳返上樓, 早上仲未過晒, d時間超級見洗.

 

海傍既百歲磚望落去好似好隨意咁，原來佢係由六星形既磚塊組成架，唔細心ｄ留意，都唔多覺眼．

 

放大ｄ，睇到未？設計呢塊磚既人，真係聰明呀！

 

經過新建既漁市場綜合大樓，下面竟然係公廁黎．

 

入去參觀下，咁早，得我一個，設備完善，連輔助傷殘人士既設施都有齊

 

皂液充足，感應水喉龍

 

小朋友洗手盆及嬰兒換尿片墊板亦有

 

一路經過河邊既公園，好多花都結出種籽

 

呢ｄ係咩花呢？



又見到好多疑似小野花，白色，紫色咁，真係想搵下有冇種籽．但生得最多都係黃色同桃紅紫色蒲公英，見佢咁矮矮都可以長出花咯，都好啦，包少少種籽返公司種下先．

爸爸小睡後，食完下午茶又去高爾夫球場散下步，入面既樹都長出好多果子．

一大抽咁，好有聖誕氣氛．

都唔知點解佢以可疑生得咁密既？

爸爸咁貪玩，點會唔走去玩陣先走架？

可能佢地裝修緊太陽能裝置，洗手間要係呢ｄ臨時設施度解決．乜原來連浴室都有架咩？



入面其實比一個住家用既企缸還要闊落，亦相當企理乾淨，睇怕只得凍水供應掛？