一本狗狗書 - Sheep

講到狗狗書，幾時得黎好似我地大陸果本藏獒咁勁得架？

但若然係寫俾青少年睇既話，呢本書絕對值得推介．

呢隻主角牧羊狗因牧場結束，自幼就俾人賣咗去寵物店，以第一人稱敘述佢幾次易主既經歷：

佢做過家犬，不甘被困逃走變成流浪犬，跟過兩個流浪漢搵食，又伴住另一位趕羊人終其一生，俾捉狗隊帶走，再被兇殘練犬員帶入馬戲團，經歷第一次戀愛及死過翻生的毒打等等；最後改寫咗一位孤兒的命運，亦令自己得到美滿既生活．

字體大，超過一百頁，又唔悶，絕對適合初中生用來做閱讀報告架．

不過呢，冇人話成年人唔可以睇呢ｄ書架喎？我睇完講既故事出黎，爸爸咪一樣聽得津津有味！只要再加油添醬，改動情節，用呢個故事既骨幹去講故仔俾小朋友聽，實聽到佢地入晒神唧．年青既爸爸媽媽，快ｄ去惜黎睇下啦，冇介紹錯架！