見唔見呀? 我新焗既朱古力曲奇呀!
今次，我係要用黎做個蛋糕俾Bibi既魔術師表哥架，當然要有少少gimmick啦，所以我諗住整四條Kings佢歎下。(點解唔係四條煙? 因為多D色彩麻!)
今次，我係要用黎做個蛋糕俾Bibi既魔術師表哥架，當然要有少少gimmick啦，所以我諗住整四條Kings佢歎下。(點解唔係四條煙? 因為多D色彩麻!)
我係有d要求既人黎，大家都知啤牌係魔術師必有既道具黎，通常佢地都係用大張既，今次我就要做丁丁張既。我覺得呢個1st Trial都係麻麻，粗糙咗D，咁C大，唔多襯。一於搵過批靚仔K4返黎座鎮先!
好啦，萬事俱備，又到我懶筋又起啦。一擺又擺咗好幾日，直至再唔整，一定趕唔切乾架啦，咁先肯郁手。我都唔知自己點解會咁既，硬係提唔起勁去完成佢。
終於，係去美食節果朝，沐浴更衣之後，我一口氣做埋佢。整整下先記起唔記得影相添!
原本既設計係得咁多裝飾架咋，清清地都幾好吖。
點知俾我發現咗啤牌旁邊有條仔刮痕，唔係啦掛!!!! 依家D手機拍攝功能咁勁，點見人呀?
咁我唯有放兩片檸檬糖片上去頂住啦。
用咗閃光燈既效果，睇唔出佢地既原色。用返冇閃燈，又好似好暗咁。我又唔識調較，其實佢係蜜瓜慕司餅底既蛋糕黎。
煙韌既蘋果椰子軟糖，就好似一把把用來變戲法既扇一樣。
添加一層啫喱液後，乾透就可以送出街啦。
Sammy，祝你生日快樂啊!
收到就一定好高興！
回覆刪除[版主回覆08/28/2013 09:54:57]都應該幾過癮既, 冇咩人見過呢d咁野架.
那麼細小的撲克去那裡找的
回覆刪除[版主回覆08/28/2013 09:54:34]自己整架!
做得超靚,你朋友收到一定鍾意又開心.
回覆刪除[版主回覆08/28/2013 13:57:13]大家俾面唧.
好靚呀!!!今次四條king係點整出黎架???!?!?!神奇~~
回覆刪除[版主回覆08/28/2013 20:21:51]我成日都會整啲冇乜人做過既野出黎既，咁先有驚喜架嘛。其實都唔係啲咩複雜野黎，問題係你隻手夠唔夠定，去剪粒工整既紙碎出黎唧。
加左兩片檸檬好睇好多，畫面好豐富，唔會有兩個位留白，我諗收禮物既人會好滿意。
回覆刪除[版主回覆08/28/2013 22:35:40]真係好多謝你咁講呀! Bibi踐我，話我"娘"呀~~
Wow！除咗話你好勁之外冇其他形容詞！
回覆刪除[版主回覆08/29/2013 07:19:41]只係一個小卓頭黎唧。
好靚呀
回覆刪除[版主回覆08/29/2013 12:46:20]些些!