這位佳麗來自比利時，在吉吉超市賣$14.9一包(仲有九五折)，重300g。因為她身輕如燕，所以一包也有很多塊。
原來打算帶回公司跟同事分享的，誰知一覺醒來，已被爸爸暗渡陳倉。他向來偷吃不抹嘴，今次竟破例用保鮮袋把未吃的裝起，難道轉死性?
非也，皆因這個史提跋論論盡盡，一撕就把原裝膠袋撕到爛晒，唯有死死地氣搵個袋入起佢啦。
講老實果句，呢d東東熱量相當驚人，三分一包，頂得住個西式叉燒包。
我只係食咗一塊唧，其餘既入晒大家既長頸樽啦! 不過，就算你地一路話幾好味，我都只會賜你一塊。事關你多食一塊，就會少咗一個人有機會試啦嘛。
P.S. 隔了兩星期再去買，咩話? 貴咗五蚊! 實在太過份啦，一於罷買。
好似好正.吓!隔咗兩星期就咁貴,有無攪錯.
回覆刪除[版主回覆08/21/2013 08:17:55]係幾唔錯架，但貴左三分一，又好似過份左啲。
遲D 會減返架喇
回覆刪除[版主回覆08/21/2013 13:04:47]四圍都係零食店, 我真係冇咁得閒僕佢呀.
價真棧好似有得賣。
回覆刪除[為食豬回覆08/21/2013 21:23:13]價錢忘記了，好似都係咁上下啩。
[版主回覆08/21/2013 21:08:47]咁係咪十五蚊有找先?
呢d一定肥啦~~~係咪牛油做架~~~不過就一定好味~~~~
回覆刪除[版主回覆08/21/2013 21:09:15]人造牛油咯, 都係肥架啦.
好忍得口呀你~
回覆刪除我一開始食就停不了~~~
[版主回覆08/22/2013 06:12:13]如果唔係咁既話，我就唔單止係一個肥C師既身形架啦。
蝴蝶酥至鍾意食，呢款賣相唔錯喎
回覆刪除[版主回覆08/22/2013 10:52:10]幾好食, 夠鬆脆, 又唔太甜.
脆脆地又幾好食嘅，送奶茶一流
回覆刪除乜超市Ｄ價錢咁漂沸架，14個幾加到19個幾，足足加咗三成有多
[版主回覆08/23/2013 18:17:19]咪係吉吉咯。