你地食過芒果朱古力未? 我假假地都係個黃綠朱古力專家，連我都未食過既話，就應該好多人都未試過啦。
森永都算係一個靠得住既零食品牌，1899年成立，百年老店呢! 除日本外，台灣、美國同上海都有分號。伴大家一起成長既，有牛奶糖、Hi-Chew軟糖、大嘴鳥朱古力等等。
森永都算係一個靠得住既零食品牌，1899年成立，百年老店呢! 除日本外，台灣、美國同上海都有分號。伴大家一起成長既，有牛奶糖、Hi-Chew軟糖、大嘴鳥朱古力等等。
好奇嘛，點都要買盒試下既。用咗七成係芒果?我唔信!
食物標籤唔係話佔最多百分比既材料會係列表度排最先架咩? 呢度明明排第三咋喎!
一塊只係15卡? 食晒全盒都只係300唧，唔過份，反正我都冇幾多塊可以食落肚，一人一塊，冇所謂啦。
打開黎睇，入面包裝唔係咁出色咋喎。
薄薄一塊，入面好明顯有芒果肉，味道都可以既，唔太甜。
值得讚既係: 我味覺同嗅覺都特別敏感，係警犬托世既。雖然呢d古古力冇錫紙保護，佢都冇吸收到紙盒或者包裝袋既氣味。呢一點好重要架，坊間就有好多朱古力零食有呢個弊病，雖然有好多仍然大賣，但會吸到紙盒或者包裝袋味既，我一定唔會幫趁。
成個朱古力專家咁喎
回覆刪除[版主回覆08/13/2013 06:10:05]食左幾十年，仲有睇過多少天書咁啦，識少少架咋。
你說得對呀, 有d朱古力真係有包裝袋的氣味呀
回覆刪除[版主回覆08/13/2013 09:19:57]我都幾嘴尖既, 一食到有呢d異味既話, 即入黑名單!
嘩！！我好食鐘意芒果㗎，一定要買盒試吓
回覆刪除[版主回覆08/13/2013 09:46:18]咁就祝你好運啦, 唔係時時有架.
未食過,多謝分享.
回覆刪除[版主回覆08/13/2013 16:56:22]
我家小姐同您一樣~嗅覺都特別敏感，係警犬托世既~其好定不好呢?好說:不好~我鼻敏感個鼻只用來裝飾,日本野無疑是很精緻,不過~滴幾滴~想?味有?味
回覆刪除[版主回覆08/13/2013 16:56:13]都係架, 所以我特別喜歡菲律賓果隻用芒果蓉做既棉花糖唧.
我麻麻地食芒果製品！
回覆刪除[版主回覆08/13/2013 16:54:32]呢D野真係各人口味唔同架, 我隔離位都係唔好既.
仲以為係粒裝既添~~~原來係片裝~~唔知貴唔貴呢~~
回覆刪除[版主回覆08/13/2013 20:07:51]我唔係好記得幾錢，折咗之後廿蚊有找，唔算貴啦。
@_@好特別!!!
回覆刪除好似薯片咁!!
[版主回覆08/15/2013 15:45:50]但係唔脆既。
未食過.
回覆刪除[版主回覆08/20/2013 09:23:01]都唔係度度有得賣, 未食過一d都唔奇.