暴雨下的監禮服務

上星期六要在公司監禮，碰啱近日天氣不穩，恐妨天氣影響我有咩交通阻滯，所以星期五放工前我就放定晒Ｄ野係會議室啦。



連香檳杯都放好晒，再搵張Ａ３紙蓋好。咁必要時，就算我返唔到黎，阿仔都可以應付到。D杯係客人自備既，雖然我地都有，最好咪搞啦。

我如常早上5:55起身，8:05已經出到中環啦。星期六，Central Oasis途人不多。

我順便去超市買下週要食既水果，出返黎就落大雨啦。咁我唯有上天橋，兜路返公司啦。

橫風橫雨，我都有少少擔心Ｄ觀禮既賓客會否順利到場。

我都要食早餐既，今日冇Receptionist，咁就我頂埋啦。

九點幾，攝影師哥哥就到啦，但現場除咗我之外，就咩人都冇。唔，我都應該係門口貼返張指示，等大家咪以為去錯地方先。

九點半，檯花送到。新郎友人帶備了檯布，立即鋪上。

由會議室另一端望過去，相當不俗啊！

多謝現代科技，一對新人的親友分佈各地，全部接駁skype後，大家就可以睇到婚禮直播啦。

兩邊的親家，這麼遠，那麼近。把兩部機互對，兩邊親家就可以見面了。

再加兩部手機，巴黎、倫敦、馬達加斯加的親朋都可以同時見證這場婚禮。

難得一對新人真的背誦了誓詞，新郎完成自己的誓詞後，一路以口型為新娘提水，場面溫馨。為保新人私隱，所以沒有安排他們出鏡。

咁好啦，俾我阿仔地見下啦，佢終於都出鏡啦！

大家愉快祝酒，寒喧，拍照後簡單的儀式就完成，整個過程花了個多小時。

十一時半，結婚蛋糕送到。

11:45，賓客走後，我才換過牛仔褲去街街。往碼頭途中，在天橋上巧遇出來賣旗籌款的狗狗。

沒再下雨，天氣又變得很熱。

乘渡海小輪往尖沙咀吃飯，自然是坐有空調的位置比較舒服啦。



第一次見Bibi穿酒店的制服(平日到達酒店後才換上制服)，碰考她今天十二時放飯，可以跟我們短聚。這個暑假，由五月到八月，一家三口齊齊吃飯的日子，五隻手指都數得晒。

扣去四個字來回路程時間，加上爸爸遲到，大家只可對食十五分鐘。所以我只點了一客主菜，和她分吃。還好這是半自助餐，她入座後已先開動，喝過湯和食過沙律，12:50就趕返公司當值啦。