嘩! 阿陳諾仁小朋友，我唔講你都唔知呀，你咁大個仔，我都係剛剛先知你個名點寫咋。仲要係whatsapp你阿婆，我先曉咋!
今次你就巴閉咯.............
點解? 唔明呀?
其實今次呢個印章，係你兩個姨婆雙劍合璧既成品黎。先由七姨婆寫字(佢大大話話都練咗成晚架啦)，再由May姨姨婆修改， 再執行。
做乜你個印章咁多粒痘皮? 果D係塊橡皮本身既瑕疵黎架，我專登用筆點住做記認，咁就可以盡量避開，唔會踐界啦。拿，你睇下，係咪避開晒?
好啦，即晚搞掂。七姨婆都好心急睇成品架嘛。
唔，都唔太差，再改少少就得架啦。
改一次都差不多可以收手啦。
睇下印在濕咗水都比人強韌十部既紙巾上，都好靚仔喎。
就咁啦，提早一個月做俾你既生日禮物黎架，早D收到，可以早D用，更高經濟效益。
各位公公婆婆、爺爺麻麻、叔叔姨姨、伯伯嬸嬸，如果你地都寫得一手好字，不妨考慮下用你地既墨寶，為D乖孫、子姪寫返個靚名，同May姨訂造返個獨一無二既名字章(每個名字章最少捐款HK$100，一切收益全撥捐兒童癌病基金)，一來可以送小朋友一份實用既心意禮物，二來又可以行善積福。一舉兩得呢!
犀利呀, 毛筆字都可以做到
回覆刪除[版主回覆08/14/2013 12:16:51]可以既話，用多啲唔同人既墨寶，都幾有趣架。
毛筆未做印仔超靚,小朋友一定鍾意.
回覆刪除[版主回覆08/14/2013 12:15:43]
小朋友真幸福~~係學校可以用到~~威威同靚靚~~
回覆刪除[版主回覆08/14/2013 16:45:17]我都驚大家睇得多呢d會悶, 下星期俾返d粘土製品你地睇啦.
厲害呀！原來May姨姨已經係姨婆級喇？
回覆刪除[版主回覆08/14/2013 18:19:51]點止呀，仲係太姨婆級別呀！我早幾年已經升左呢架啦。
有兩個姨婆雙劍合璧嘅成品就一定好掂啦！
回覆刪除[版主回覆08/14/2013 21:34:38]只係盡力而為唧。
厲害
回覆刪除[版主回覆08/20/2013 09:23:37]