幼稚園考卷

呢份係Bibi細個既考卷，執開野，諗住影低咗就掉啦．低班，即係考試果陣四歲半．




幼稚園階段，我唔係幾駛同佢溫習既．

其實佢唔派返，我都唔知幼稚園係點考試既．

呢頁考畫圖先得人驚，原來一件背心係咁款既！



反而填色就有少少難度，要考小朋友既邏輯思維．

幼稚園都要考默書，或者Bibi早就習慣，所以升上小學後，都好容易適應．



我覺得佢已經寫得唔錯，咩分數根本就唔緊要．



唱遊，好明顯係考誦讀能力．好多謝幼稚園在低班開始，鼓勵小朋友多讀課外書，大大提升了Bibi的語文能力。



語文考卷？春天到，花兒開．如果小朋友寫咗百花開，唔知有冇分既呢？



配詞，填缺口，都係執豆題．



咩煮熟先食得唧？菜夠可以生食咯．真係應該參考下個電視廣告呀: 啤啤熊大過蜜蜂好多架!



把有關既填上顏色，其實就好易既，但畫返缺少部份，就會有難度啦．估唔到佢都畫得幾工整喎。


中文默書：

Bibi寫字算四正架啦，好明顯，佢係唔需要出動擦膠既．

咁就叫數學題，佢咁曳，成日俾我罰，對佢梗冇難度啦．

我其實唔多明白，點解厚同薄會同數學題有關架．

早就顯示左佢係冇咩藝術天份架啦，佢阿媽我未試過美術科咁低分既．

音樂科，係咪考唱歌呢？

我地講慣故事既，呢科一定掂．

睇黎係小朋友口述，老師再寫返答案作記錄既．但老師ｄ字就．．．．．

對於佢幼稚園階段既野，真係好模糊啦，如果當年唔係有係電腦度打信存底，睇怕咩都唔記得晒啦(最近兩母女一齊重溫呢D片段，一路睇，一路笑到碌地)．今日搵到呢份卷出黎，就俾大家睇下，留個記憶啦．