某朝返工途中，街上有保險公司推廣，派小盆栽羅漢松。我原本都種得好地地既，一路都有慢慢長大。
可惜有一輪我放咗佢係電腦後面既partition頂，眼尾都冇理佢，又唔記得淋水。當我再望下佢果陣，已經成盆野枯晒咁滯。
可惜有一輪我放咗佢係電腦後面既partition頂，眼尾都冇理佢，又唔記得淋水。當我再望下佢果陣，已經成盆野枯晒咁滯。
雖然佢地已經死咗九成，中間條莖仲有D綠色。死馬當活馬醫，我一於整走晒D泥，用D水養住佢，睇下佢仲可唔可以再生返。
神奇地，原本啡色咗既葉，慢慢一截一截咁，由葉根一路向葉尖變返綠色。而且條分界線十分明顯。大家見唔見呀?幾個月前，果條分界線係冇咁前架。果陣我發現呢個現象既時候，都話過俾隔離位同事聽，但佢果陣都冇為意。
今日我再睇下棵野，頂頂仲生咗一小叢嫰芽。
你話佢係咪好神奇呢?
唸到呢個方法,犀利呀!.希望呢棵羅漢松繼續生長.
回覆刪除[版主回覆11/22/2012 07:18:25]死馬當活馬醫，俾多個機會佢嘛。
冇枯又咁重人得唔得啊?我公司果棵...
回覆刪除[版主回覆11/23/2012 07:20:22]你果棵咩事呀? 我呢棵初時大家一望，都話certified 架咯喎，但我見佢中間條主幹又好似未瓜直，咪試下咯。
羅漢松好粗生，不過大得好慢
回覆刪除[版主回覆11/23/2012 15:56:25]你講得冇錯呀, 簡直等到地老天荒呀!
植物同動物都一樣，要關愛佢哋 o架！
回覆刪除[版主回覆11/23/2012 21:49:33]佢依家去左間雜物房度療傷，同上年棵蘭花一齊作伴。
[版主回覆11/23/2012 21:49:30]佢依家去左間雜物房度療傷，同上年棵蘭花一齊作伴。
我盆蘭花開左一次之後, 而家都冇再開呀.
回覆刪除[版主回覆11/24/2012 07:39:45]佢要儲到足夠養分先開花架，一唔係就要換過晒啲苔草，好煩架嘛。我以前聽人講，話佢屋企個賓賓撕啲椰衣去種蘭花，放係灶底，隔好一段日子就再開花啦。
我最近唔知係咪忙得滯唔得閒理d植物，差不多死哂啦. ..
回覆刪除[版主回覆11/24/2012 13:43:17]或者仲有得marn呢, 試下救佢地啦.
羅漢松好粗生架~
回覆刪除[版主回覆11/24/2012 18:35:21]咁都可以翻生，又的確厲害。
好強的生命力!
回覆刪除[版主回覆11/27/2012 21:24:38]真係估佢唔到架.