Pekkle IV

執野搵到張十幾年前既Pekkle刮刮貼紙，咁就揀一個公仔整下啦．都唔記得係第幾個鴨仔印啦，就當佢係第四隻啦．

每次畫完啲原版線條又粗又幼既草稿都咁滴汗，硬係手眼不協條，成日畫到鸞鸞弓弓咁．



實在太多陷阱位啦，好不容易先整咗個大概．



上墨要好小心，我專登雕埋幾粒紅色，佢好興既．

 

靚印台拎咗返公司，用個平野試下先：

 

色水冇咁實在，但都足以俾我望真ｄ佢邊一忽要修改架啦．

 

冇顏色筆，拎呢枝頂住先．

油得都幾核突下，連自己都接受唔到．

 

唯有叫你地遠ｄ睇啦，感覺會冇咁差既．

 

唔忿氣，帶佢返公司再印過．嬸嬸話我D色都仲係印得唔夠平均。

 

我覺得同之前果晚印既，已經好好多啦。油咗隻碗、嘴、腳、打蛋器、圍巾，但冇深藍色去油件衫添!

 

問同事借咗枝marker油下，似樣啦，像真度都有九成架．

我硬係唔明，點解佢ｄ線係都要時粗時幼既？全部都咁幼線咪好咯，會易雕好多．咁鬼多斷口位，其實就會令難度部增，事關果ｄ收口地方先難雕麻．

呢個印都有蝦碌到架，如果你係Pekkle既真正粉絲，就應該睇得出既。

想知自己估得啱唔啱? 私人留言話我知啦? 等我話你知你既眼光準唔準.