家有十兄弟姊妹, 唔計大家年紀大之後要戴老花眼鏡, 大部份兄姐年青時都沒有近視問題.
某次家聚, 才知一位哥哥原來有一隻眼睛有黃斑病變，失去大部分視力。
好彩有日佢同囡囡去開眼鏡鋪，諗住自己有返咁上下年紀, 都應該整返副大眼仔駛下, 於是就順便配驗眼, 配返副老花鏡啦.
驗眼時，視光師問佢睇到咩? 佢見到眼前漆黑一片, 仲以為人地玩佢，冇拎走遮擋眼睛塊野。
哥哥: 你咪玩啦, 你唔拎開塊野, 遮住晒點睇喎!
視光師: 嗄 ..... 我冇遮住你呀, 你真係睇唔到呀? 咁你要快d去睇醫生啦.
原來佢真係睇唔到呀!
唯有去睇急症再轉眼科，醫生話可以同佢試打三枝針，每枝自費九千蚊，但未必有幫助. 事關好多人打左都係冇效，或者效果只係短暫. 若然佢覺得打完幫助不大，就唔好晒錢繼續打啦。
佢都算好彩啦，或者發覺得早, 打咗針之後, 佢由只係睇到前面個人對腳，變成可以睇到埋個身，即係視力範圍有明顯進步。
我地聽到佢既敘述之後, 不約而同都自己用手蓋住一隻眼, 睇下自己既視線範圍有冇收窄.
如果你地有相似情況, 真係事不宜遲啦, 快d請教下眼科醫生啦!
好彩發覺得早
回覆刪除[版主回覆06/19/2013 05:49:33]係呀，所以要講出黎，等各位老友記都注意下，尤其係冇戴開眼鏡果啲。
好多謝妳分享, 真係要留意吓至得呀
回覆刪除[版主回覆06/19/2013 09:22:06]一個簡單既自我測試就可以及早發現架啦, 所以要話俾大家知.
多謝分享.
回覆刪除[版主回覆06/19/2013 09:21:22]
MAY姨, 我舊同事個老公有黃斑症呀, 佢話係家族遺傳, 只傳男丁, 所以佢地吾生BB....
回覆刪除[版主回覆06/19/2013 09:21:14]我大佬既個案都係突然發現既, 我地十兄弟姊妹, 只得佢一個有, 仲係去到咁大先有(或者一路冇為意), 應該唔係遺傳既.
人地話杞子好補眼.
回覆刪除我有個朋友去洗頭, 個師傅話摸到佢頭殼有粒野, 因來係瘤, 佢好彩立即去割.
生死真係有命.
[版主回覆06/19/2013 23:21:09]呢啲就叫出外遇貴人啦! 佢命中既天使黎呀.
我每年都有驗眼！
回覆刪除[版主回覆06/19/2013 23:21:30]我地呢, 唔配眼鐘都唔會驗眼既.