小智慧分享

家姐傳咗個電郵黎，介紹我一D生活上既好點子。我選咗幾個較為實用既俾大家睇下。

好多洗手間既洗手盆都係好難接水既，尤其係廁所水暫停供應既時候，想搵D水去沖廁都幾麻煩，又唔係下下都會有膠水喉可以用。將個鏟咁用法，就真係聰明啦。



花灑頭既水垢係好難清理既，原來用膠袋笠住佢，入面加D醋再扎起，浸一晚就會暢通架啦。

我地細個果陣，係打電話去士多叫人送枝裝汽水上樓既，放入雪櫃果陣好多時都要疊起，呢個用double clip既辦法真係幾駛得，又唔阻掟。

用洋蔥圈黎煎荷包蛋既辦法係好work既，好過用金屬框，又唔駛洗多樣野，個洋蔥圈又可以食返。

我過年前油過間屋黎，所以知道要將髤上多餘既油漆整走係幾哩HEA既，老實講，我係用個四方餅盒黎開油既，油果陣真係搞到個盒邊好多油。

原來好似佢咁，用條粗橡筋紮住，d油就會自動集中返係桶入面，真係唔到我唔服。

呢d小秘笈，你地記得就記啦，到用得著時，就好幫得手架啦。